شىمكەنت قالاسى اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ وتىرىسى ءوتتى. قالا اكىمىنىڭ ءبىرىنشى ورىنباسارى، كوميسسيا توراعاسى شىڭعىس مۇقاننىڭ جەتەكشىلىگىمەن وتكەن ماجىلىسكە قۇزىرلى مەملەكەتتىك ورگان باسشىلارى جانە جەرگىلىكتى ۇكىمەتتىك ەمەس ۇيىمداردىڭ وكىلدەرى قاتىستى.
شىڭعىس جۇمابەكۇلى جينالىسقا قاتىسۋشىلاردى مەملەكەتتىلىكتىڭ تۇعىرى بولعان تاۋەلسىزدىك كۇنىمەن قۇتتىقتاپ، مەملەكەكەتىمىزدىڭ قالىپتاسۋى مەن دامۋىنداعى ايەلدەر ءرولىن ەرەكشە اتاپ ءوتتى.
«ەلىمىز ەگەمەندىككە قول جەتكىزگەن تۇستا نازىك جاندى ارۋلارىمىز وت باسى، وشاق قاسىندا قالىپ قويماي، ەلىمىزدىڭ قوعامدىق-ساياسي ومىرىنە بەلسەنە ارالاستى. بۇگىنگى تاڭدا قازاقستان ايەلدەرى الەۋمەتتىك جوبالاردى ازىرلەپ، ىسكە اسىرۋدا، زاڭنامالىق اكتىلەردى تالقىلاپ، قابىلداۋدا، كاسىپكەرلىك قىزمەتتە بەلسەندىلىك تانىتىپ كەلەدى. ايەلدەردىڭ مۇنداي ۇستانىمىن مەملەكەت تە قولداپ، ىنتالاندىرىپ وتىرادى. مەملەكەت باسشىسىنىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىندا قويىلعان مىندەتتەر مەملەكەتتىك جانە جەرگىلىكتى اتقارۋشى ورگانداردان قازاقستاندىق وتباسىلاردىڭ ءال-اۋقاتىن جاقسارتۋ جانە ايەلدەردىڭ قۇقىقتارى مەن مۇمكىندىكتەرىن كەڭەيتۋ ءۇشىن جوعارى جاۋاپكەرشىلىك پەن ۇيلەسىمدى ءىس-قيمىلدى تالاپ ەتەتىنىن اتاپ ءوتتى»،-دەدى كوميسسيا توراعاسى.
كوميسسيا وتىرىسىندا قازاقستان رەسپۋبليكاسىنداعى 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسىن ىسكە اسىرۋ بويىنشا پوليتسيا دەپارتامەنتى باستىعىنىڭ ءبىرىنشى ورىنباسارى، پوليتسيا پولكوۆنيگى م.التاەۆتىڭ، شىمكەنت قالاسى بويىنشا قىلمىستىق-اتقارۋ جۇيەسى دەپارتامەنتىنىڭ يچ-167/4 مەكەمەسىنىڭ باسشىسى، ادىلەت پودپولكوۆنيگى ا.اديلبەكوۆانىڭ، قر سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ وكىلى ج.ءالجانوۆانىڭ، جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ب.ناربەكوۆانىڭ جانە اباي اۋدانى اكىمىنىڭ ورىنباسارى، اۋداندىق كوميسسيا توراعاسى ع.كوشىكباەۆتىڭ باياندامالارى تىڭدالدى.
جيىن قورىتىندىسى بويىنشا كۇن تارتىبىندە قارالعان ماسەلەلەر مەن حابارلامالار نەگىزىندە ىسكەر ايەلدەرگە قولداۋ كورسەتۋ، ايەلدەردىڭ قوعامدىق باستامالارىن ىلگەرىلەتۋ، وتباسىلىلىق ءتالىم-تاربيەنى جولعا قويۋ سىندى ماسەلەلەر بويىنشا ءتيىستى مەملەكەتتىك ورگاندارعا ۇسىنىستار بەرىلدى.
شىمكەنت قالاسى اكىمدىگىنىڭ ءباسپاسوز قىزمەتى
