ShYMKENTTE ÁIELDER ISTERI JÓNINDEGI KOMISSIIa OTYRYSY ÓTTI

3648
Adyrna.kz Telegram

Shymkent qalasy ákimi janyndaǵy áıelder isteri jáne otbasylyq-demografııalyq saıasat jónindegi komıssııanyń otyrysy ótti. Qala ákiminiń birinshi orynbasary, komıssııa tóraǵasy Shyńǵys Muqannyń jetekshiligimen ótken májiliske quzyrly memlekettik organ basshylary jáne jergilikti úkimettik emes uıymdardyń ókilderi qatysty.

Shyńǵys Jumabekuly jınalysqa qatysýshylardy memlekettiliktiń tuǵyry bolǵan Táýelsizdik kúnimen quttyqtap, Memlekeketimizdiń qalyptasýy men damýyndaǵy áıelder rolin erekshe atap ótti.

«Elimiz egemendikke qol jetkizgen tusta názik jandy arýlarymyz ot basy, oshaq qasynda qalyp qoımaı, elimizdiń qoǵamdyq-saıası ómirine belsene aralasty. Búgingi tańda Qazaqstan áıelderi áleýmettik jobalardy ázirlep, iske asyrýda, zańnamalyq aktilerdi talqylap, qabyldaýda, kásipkerlik qyzmette belsendilik tanytyp keledi. Áıelderdiń mundaı ustanymyn memleket te qoldap, yntalandyryp otyrady. Memleket basshysynyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynda qoıylǵan mindetter memlekettik jáne jergilikti atqarýshy organdardan qazaqstandyq otbasylardyń ál-aýqatyn jaqsartý jáne áıelderdiń quqyqtary men múmkindikterin keńeıtý úshin joǵary jaýapkershilik pen úılesimdi is-qımyldy talap etetinin atap ótti»,-dedi komıssııa tóraǵasy.

Komıssııa otyrysynda Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasyn iske asyrý boıynsha polıııa departamenti bastyǵynyń birinshi orynbasary, polıııa polkovnıgi M.Altaevtyń, Shymkent qalasy boıynsha qylmystyq-atqarý júıesi departamentiniń ICh-167/4 mekemesiniń basshysy, ádilet podpolkovnıgi A.Adılbekovanyń, QR sybaılas jemqorlyqqa qarsy is-qımyl agenttiginiń Shymkent qalasy boıynsha departamentiniń ókili J.Áljanovanyń, Jumyspen qamtý jáne áleýmettik qorǵaý basqarmasynyń basshysy B.Narbekovanyń jáne Abaı aýdany ákiminiń orynbasary, aýdandyq komıssııa tóraǵasy Ǵ.Kóshikbaevtyń baıandamalary tyńdaldy.

Jıyn qorytyndysy boıynsha kún tártibinde qaralǵan máseleler men habarlamalar negizinde isker áıelderge qoldaý kórsetý, áıelderdiń qoǵamdyq bastamalaryn ilgeriletý, otbasylylyq tálim-tárbıeni jolǵa qoıý syndy máseleler boıynsha tıisti memlekettik organdarǵa usynystar berildi.

Shymkent qalasy ákimdiginiń baspasóz qyzmeti

Pikirler