بەرىك ابدىعاليۇلى: ءسابيرا، ءلاززات، ەربولعا “حالىق قاھارمانى” اتاعى بەرىلۋى كەرەك

3250
Adyrna.kz Telegram

ءبىز 1986 جىلى جەلتوقسان بولىپ جاتقاندا ءبىز بوزبالا بولدىق. سول جەلتوقسان كوتەرىلىسى ارقاسىندا جىگەرلەنىپ، رۋحتانىپ وستىك. سوندىقتان جەلتوقسان قاھارماندارى ءبىز ءۇشىن ءاردايىم باتىر!

قازىر ماقتان تۇتىپ جۇرگەن ازاتتىعىمىز دا، سول ازاتتىقپەن بىرگە كەلگەن جەتىستىكتەرىمىز دە سولاردىڭ ارقاسىندا ورنادى. ءبىز ولارعا جالپىۇلتتىق لايىقتى ساياسي باعاسىن بەرە الماي جاتىرمىز. ولار ارامىزدا جۇرگەن ءتىرى باتىرلار. قاراپايىم ستۋدەنت، جۇمىسشىتقىز-جىگىتتەر جاستىق جىگەردىڭ، ۇلتتىق نامىستىڭ قانداي بولۋ كەرەكتىگىن بارىمىزگە كورسەتىپ كەتتى.

ەڭ باستىسى قۇربان بولعان جاستارعا لايىقتى قۇرمەت كورسەتىلۋى كەرەك. قايرات رىسقۇلبەكوۆكە «حالىق قاھارمانى» بەرىلدى. باسقالارىنا دا بەرىلۋى كەرەك. قازاق حالقىنىڭ نامىسىن قورعاعان ەربولعا ءبىز ءالى «حالىق قاھارمانى» اتاعىن بەرمەي ءجۇرمىز. سول سياقتى ءسابيرا مۇحامەدجانوۆا مەن ءلاززات اسانوۆاعا دا «حالىق قاھارمانى» اتاعى بەرىلۋى كەرەك.
بەلگىسىز كەتكەن قۇرباندارى قانشاما؟! باستان اۋىر جاراقات الىپ، اۋىلعا كەتكەن، ول جاقتا دارىگەرگە بارۋدان ساقسىنىپ ءجۇرىپ، جاراقاتى اسقىنعان، سونىڭ سالدارىنان قايتىس بولعاندار بار.

مۇقتار شاحانوۆ، سابىر قاسىموۆ اعالارىمىزدىڭ ارقاسىندا جانە «التىن قىران» قورىنىڭ قولداۋىمەن
«جەلتوقسان. 1986. دەكابر. دوكۋمەنتالنايا حرونيكا» اتتى قۇجاتتار جيىنتىعىن شىعاردىق. زەرتتەيتىن جۇمىستار ءالى كوپ.

پىكىرلەر