Säbira, Läzzat, Erbolǧa “Halyq qaharmany” ataǧy berıluı kerek

Bız 1986 jyly Jeltoqsan bolyp jatqanda bız bozbala boldyq. Sol Jeltoqsan köterılısı arqasynda jıgerlenıp, ruhtanyp östık. Sondyqtan Jeltoqsan qaharmandary bız üşın ärdaiym batyr! Qazır maqtan tūtyp jürgen azattyǧymyz da, sol azattyqpen bırge kelgen jetıstıkterımız de solardyŋ arqasynda ornady. Bız olarǧa jalpyūlttyq laiyqty saiasi baǧasyn bere almai jatyrmyz. Olar aramyzda jürgen tırı batyrlar. Qarapaiym student, jūmysşytqyz-jıgıtter jastyq jıgerdıŋ, ūlttyq namystyŋ qandai bolu kerektıgın bärımızge körsetıp kettı. Eŋ bastysy qūrban bolǧan jastarǧa laiyqty qūrmet körsetıluı kerek. Qairat Rysqūlbekovke «Halyq qaharmany» berıldı. Basqalaryna da berıluı kerek. Qazaq halqynyŋ namysyn qorǧaǧan Erbolǧa bız älı «Halyq qaharmany» ataǧyn bermei jürmız. Sol siiaqty Säbira Mūhamedjanova men Läzzat Asanovaǧa da «Halyq Qaharmany» ataǧy berıluı kerek. Belgısız ketken qūrbandary qanşama?! Bastan auyr jaraqat alyp, auylǧa ketken, ol jaqta därıgerge barudan saqsynyp jürıp, jaraqaty asqynǧan, sonyŋ saldarynan qaitys bolǧandar bar. Mūqtar Şahanov, Sabyr Qasymov aǧalarymyzdyŋ arqasynda jäne «Altyn qyran» qorynyŋ qoldauymen «Jeltoqsan. 1986. Dekabr. Dokumentalnaia hronika» atty qūjattar jiyntyǧyn şyǧardyq. Zertteitın jūmystar älı köp.