Biz 1986 jyly Jeltoqsan bolyp jatqanda biz bozbala boldyq. Sol Jeltoqsan kóterilisi arqasynda jigerlenip, rýhtanyp óstik. Sondyqtan Jeltoqsan qaharmandary biz úshin árdaıym batyr!
Qazir maqtan tutyp júrgen azattyǵymyz da, sol azattyqpen birge kelgen jetistikterimiz de solardyń arqasynda ornady. Biz olarǵa jalpyulttyq laıyqty saıası baǵasyn bere almaı jatyrmyz. Olar aramyzda júrgen tiri batyrlar. Qarapaıym stýdent, jumysshytqyz-jigitter jastyq jigerdiń, ulttyq namystyń qandaı bolý kerektigin bárimizge kórsetip ketti.
Eń bastysy qurban bolǵan jastarǵa laıyqty qurmet kórsetilýi kerek. Qaırat Rysqulbekovke «Halyq qaharmany» berildi. Basqalaryna da berilýi kerek. Qazaq halqynyń namysyn qorǵaǵan Erbolǵa biz áli «Halyq qaharmany» ataǵyn bermeı júrmiz. Sol sııaqty Sábıra Muhamedjanova men Lázzat Asanovaǵa da «Halyq Qaharmany» ataǵy berilýi kerek.
Belgisiz ketken qurbandary qanshama?! Bastan aýyr jaraqat alyp, aýylǵa ketken, ol jaqta dárigerge barýdan saqsynyp júrip, jaraqaty asqynǵan, sonyń saldarynan qaıtys bolǵandar bar.
Muqtar Shahanov, Sabyr Qasymov aǵalarymyzdyń arqasynda jáne «Altyn qyran» qorynyń qoldaýymen
«Jeltoqsan. 1986. Dekabr. Dokýmentalnaıa hronıka» atty qujattar jıyntyǵyn shyǵardyq. Zertteıtin jumystar áli kóp.
