قر تاۋەلسىزدىگىنىڭ 30 جىلدىعىنا وراي شىمكەنت قالاسى «جاستار رەسۋرستىق ورتالىعىنىڭ» قوعاممەن بايلانىس جانە اقپاراتتى تالداۋ ءبولىمىنىڭ جانە اباي اۋدانى جاستار ورتالىعىنىڭ ۇيىمداستىرۋىمەن «كىتاپ وقۋ جانە جىلدام وقۋ قۇپياسى» اتتى سەمينار-ترەنينگى ءوتتى.
كۋرستىڭ نەگىزگى ماقساتى: جاستاردى كىتاپ وقۋعا شاقىرۋ جانە وقۋ جىلدامدىعىن ارتتىرىپ، رۋحاني دامۋعا جول اشۋ. كىتاپ وقۋ ادامنىڭ ساناسىنا عانا ەمەس، سونىمەن قاتار دەنساۋلىعىنا دا وڭ اسەرىن تيگىزەدى. وقۋ بارىسىندا، ادامنىڭ بويىندا ەرەكشە وزگەرىستەر بايقالادى. تاريحتا كىتاپتى جىلدام وقۋمەن ەرەكشەلەنگەن تۇلعالار از ەمەس. جىلدام وقۋ ءادىسىن دامىتۋ ارقىلى ادامنىڭ ءتۇرلى قابىلەتى اشىلۋى مۇمكىن. بۇل ءادىستى ادام كەز كەلگەن جاستا مەڭگەرە الادى. سوندىقتان جاستاردى كىتاپ وقۋعا شاقىرۋ.
سەمينار-ترەنينگكە «جىلدام وقۋ» جوباسىنىڭ ترەنەرى ارۋجان وسكەنباي جانە ءا.قاستەەۆ اتىنداعى ونەر جانە ديزاين كوللەدجى مەن تاماقتاندىرۋ يندۋسترياسى جانە سەرۆيس كوللەدجىنىڭ كىتاپ وقۋعا قىزىعۋشىلىعى بار جاستارى قاتىستى.
ترەنينگ بارىسىندا جىلدام وقۋدىڭ قۇپيالارى جايىندا ءتۇرلى جاتتىعۋلار جاساتىپ، ناتيجەسىندە جاستار مينۋتىنا 180-230 عا دەيىن وقۋ جىلدامدىقتارىن ارتتىردى.
جىلدام وقۋ داعدىلارىن دامىتۋعا جانە وقىتۋعا ارنالعان كەيبىر پايدالى كەڭەستەر:
1-جاتتىعۋ. بۇل جاتتىعۋ جۇپپەن ورىندالادى. ءبىرىنشىسى كىتاپتى اشادى، ءسوز تاۋىپ، كىتاپتى باسقاسىنا بەرەدى. ەكىنشى ادام دۇرىس ءسوزدى تەز ارادا تابۋ كەرەك. جاتتىعۋ سىزدەرگە ەڭ باستىسى جىلدام وقۋعا مۇمكىندىك بەرەدى.
2-جاتتىعۋ. وقۋ كەزىندە ارتيكۋلياتسيادان ارىلۋعا مۇمكىندىك بەرەتىن قىزىقتى جىلدام وقۋ جاتتىعۋلارى بار. ماسەلەن، ادامنىڭ ميى قاراپايىم وقۋ ارقىلى ء(وزىن ءوزى ايتادى), سويلەۋ اقپاراتىن وزىنە قابىلدايدى. مۇنداي جاعدايدا بىرىنشىدەن ەزۋىمىزدى جيامىز، ياعني دىبىستاپ وقۋعا بولمايدى. سەبەبى، ادامنىڭ ويى سوزىنەن 21 ەسەگە جۇيرىك.
3-جاتتىعۋ. شۇعىل وقۋدى دامىتۋ ءۇشىن، ءار سوزگە كوڭىل بولە ءبىلۋ ماڭىزدى. سوزدەردى ويعا سالماق سالۋ ارقىلى وقۋدى قالىپتاستىرىڭىز. وقۋ بارىسىندا ءۇزىلىس جاساۋعا بولمايدى. وقىپ بولعان سوڭ سويلەمدەرگە قايتا ورالۋدىڭ قاجەتى جوق.
جىلدام وقۋدى تەز دامىتۋ ءۇشىن اتالعان كەڭەستەردى كۇندە قايتالاپ وتىرعان ابزال. ەسىڭىزدە بولسىن، بارلىعى ەڭبەكتەنۋمەن كەلەدى. سوندىقتان دا وقۋدى، كۇندەلىكتى جاتتىعۋلاردى توقتاتپاڭىز.
