«KITAP OQÝ JÁNE JYLDAM OQÝ QUPIIaSY» ATTY SEMINAR-TRENINGI ÓTTI

2162
Adyrna.kz Telegram

QR Táýelsizdiginiń 30 jyldyǵyna oraı Shymkent qalasy «Jastar resýrstyq ortalyǵynyń» Qoǵammen baılanys jáne aqparatty taldaý bóliminiń jáne Abaı aýdany jastar ortalyǵynyń uıymdastyrýymen «Kitap oqý jáne jyldam oqý qupııasy» atty semınar-trenıngi ótti.

Kýrstyń negizgi maqsaty: Jastardy kitap oqýǵa shaqyrý jáne oqý jyldamdyǵyn arttyryp, rýhanı damýǵa jol ashý. Kitap oqý adamnyń sanasyna ǵana emes, sonymen qatar densaýlyǵyna da oń áserin tıgizedi. Oqý barysynda, adamnyń boıynda erekshe ózgerister baıqalady. Tarıhta kitapty jyldam oqýmen erekshelengen tulǵalar az emes. Jyldam oqý ádisin damytý arqyly adamnyń túrli qabileti ashylýy múmkin. Bul ádisti adam kez kelgen jasta meńgere alady. Sondyqtan jastardy kitap oqýǵa shaqyrý.

Semınar-trenıngke «Jyldam oqý» jobasynyń treneri Arýjan Óskenbaı jáne Á.Qasteev atyndaǵy óner jáne dızaın kolledji men Tamaqtandyrý ındýstrııasy jáne servıs kolledjiniń kitap oqýǵa qyzyǵýshylyǵy bar jastary qatysty.

Trenıng barysynda jyldam oqýdyń qupııalary jaıynda túrli jattyǵýlar jasatyp, nátıjesinde jastar mınýtyna 180-230 ǵa deıin oqý jyldamdyqtaryn arttyrdy.

Jyldam oqý daǵdylaryn damytýǵa jáne oqytýǵa arnalǵan keıbir paıdaly keńester:

1-jattyǵý. Bul jattyǵý juppen oryndalady. Birinshisi kitapty ashady, sóz taýyp, kitapty basqasyna beredi. Ekinshi adam durys sózdi tez arada tabý kerek. Jattyǵý sizderge eń bastysy jyldam oqýǵa múmkindik beredi.
2-jattyǵý. Oqý kezinde artıkýlıaııadan arylýǵa múmkindik beretin qyzyqty jyldam oqý jattyǵýlary bar. Máselen, adamnyń mıy qarapaıym oqý arqyly (ózin ózi aıtady), sóıleý aqparatyn ózine qabyldaıdy. Mundaı jaǵdaıda birinshiden ezýimizdi jııamyz, ıaǵnı dybystap oqýǵa bolmaıdy. Sebebi, adamnyń oıy sózinen 21 esege júırik.
3-jattyǵý. Shuǵyl oqýdy damytý úshin, ár sózge kóńil bóle bilý mańyzdy. Sózderdi oıǵa salmaq salý arqyly oqýdy qalyptastyryńyz. Oqý barysynda úzilis jasaýǵa bolmaıdy. Oqyp bolǵan soń sóılemderge qaıta oralýdyń qajeti joq.
Jyldam oqýdy tez damytý úshin atalǵan keńesterdi kúnde qaıtalap otyrǵan abzal. Esińizde bolsyn, barlyǵy eńbektenýmen keledi. Sondyqtan da oqýdy, kúndelikti jattyǵýlardy toqtatpańyz.

Pikirler