شىمكەنتتە قالالىق قوعامدىق كولىكتەردىڭ كەشەندى سىزباسىنا بىرقاتار وزگەرىس ەنگىزىلدى. تۇرعانداردىڭ سۇرانىسىمەن №61 باعىت سىزباسى ۇزارتىلىپ، سپاتاەۆ كوشەسىنەن «كول» ايالداماسىنا دەيىن قىزمەت كورسەتەتىن باعىت ەندى «بارىس بازارىنا» دەيىن قاتىنايدى.
جۋىردا پايدالانۋعا بەرىلگەن 240 اۆتوبۋس ەسەبىنەن ءتورت جاڭا باعىت اشىلىپ وتىر. قالاداعى №1 اۆتوجولدان قالانىڭ اۋەجايىنا دەيىن №66, قىزىلسۋ ش/ا ايماعىنان «اينا» بازارىنا دەيىن №71, ساۋلە ش/ا 276 ورامنان جاندوسوۆ كوشەسىنە دەيىن №43, №115 مەكتەپپەن «گيپەرحاۋس ءسۇ» دەيىنگى №54 باعىت قىزمەت كورسەتەدى.
جاڭادان قولدانىسقا بەرىلگەن «Yutong» ماركالى اۆتوبۋستار №17, 21, 42, 113, 133, 158, 182 باعىتتاردا قىزمەت كورسەتەدى. ال ولاردىڭ ورنىنداعى «Ankai» ماركالى اۆتوبۋستار №2, 10, 11, 15, 16, 20, 23, 45, 52, 61, 70, 75, 96, 108, 114, 139, 171, 171ا، 180, 191 باعىتتارىنا ءبولىندى.
شىمكەنت قالاسى اكىمدىگىنىڭ ءباسپاسوز قىزمەتى
