Shymkentte qalalyq qoǵamdyq kólikterdiń keshendi syzbasyna birqatar ózgeris engizildi. Turǵandardyń suranysymen №61 baǵyt syzbasy uzartylyp, Spataev kóshesinen «Kól» aıaldamasyna deıin qyzmet kórsetetin baǵyt endi «Barys bazaryna» deıin qatynaıdy.
Jýyrda paıdalanýǵa berilgen 240 avtobýs esebinen tórt jańa baǵyt ashylyp otyr. Qaladaǵy №1 avtojoldan qalanyń áýejaıyna deıin №66, Qyzylsý sh/a aımaǵynan «Aına» bazaryna deıin №71, Saýle sh/a 276 oramnan Jandosov kóshesine deıin №43, №115 mekteppen «Gıperhaýs SÚ» deıingi №54 baǵyt qyzmet kórsetedi.
Jańadan qoldanysqa berilgen «Yutong» markaly avtobýstar №17, 21, 42, 113, 133, 158, 182 baǵyttarda qyzmet kórsetedi. Al olardyń ornyndaǵy «Ankai» markaly avtobýstar №2, 10, 11, 15, 16, 20, 23, 45, 52, 61, 70, 75, 96, 108, 114, 139, 171, 171a, 180, 191 baǵyttaryna bólindi.
Shymkent qalasy ákimdiginiń baspasóz qyzmeti
