شىمكەنت قالاسىنىڭ اكىمى مۇرات ايتەنوۆ ورتالىق كوممۋنيكاتسيالار قىزمەتىندە وتكەن بريفينگتە مەملەكەت باسشىسىنىڭ «قاراپايىم زاتتار ەكونوميكاسى» جانە «بيزنەستىڭ جول كارتاسى» باعدارلامالارىنىڭ مەرزىمىن ءبىر جىلعا ۇزارتۋ جونىندەگى شەشىمى كاسىپكەرلەر ءۇشىن ۇلكەن مۇمكىندىك ەكەنىن اتاپ ءوتتى.
«قالادا «بيزنەستىڭ جول كارتاسى-2025» مەملەكەتتىك باعدارلاماسىن جۇزەگە اسىرۋعا 8,9 ملرد.تەڭگە بولىنگەن. بۇگىندە باعدارلاما شەڭبەرىندە 7,8 ملرد. تەڭگەگە 1 946 جوباعا قولداۋ كورسەتىلدى. «قاراپايىم زاتتار ەكونوميكاسى» باعدارلاماسى اياسىندا 2021 جىلعا 2,9 ملرد. تەڭگە ءبولىندى. بۇگىنگى كۇنگە قۇنى 57,8 ملرد. تەڭگەنى قۇرايتىن 70 جوباعا 2,5 ملرد. تەڭگەگە قولداۋ كورسەتىلدى. اتالعان جۇمىستار كەلەسى جىلى دا جالعاساتىن بولادى. سونىمەن قاتار، «مەن كاسىپكەر بولامىن» جوباسىمەن ايەلدەر مەن جاستار كاسىپكەرلىگىن دامىتۋ ءۇشىن جەرگىلىكتى ءىس-شارا جوسپارى ىسكە اسىرىلۋدا. اتالعان ءىس-شارا اياسىندا 10 ملن. تەڭگەگە دەيىن 1%-دىق 6 شاعىن نەسيەلەر بەرۋ قاراستىرىلعان. بۇل ماقساتقا جەرگىلىكتى بيۋدجەتتەن 1,1 ملرد. تەڭگە قارجى ءبولىندى»،- دەدى شاھار باسشىسى.
«ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان» مەملەكەتتىك باعدارلاماسى اياسىندا 1 ملرد. تەڭگەگە 70 جوبا قارجىلاندىرىلعان.
قالادا كاسىپكەرلەرگە ىڭعايلى جاعداي جاساۋ ءۇشىن «بيزنەسكە ارنالعان ۇكىمەت – Shymkent Invest» كاسىپكەرلەرگە قىزمەت كورسەتۋدىڭ بىرىڭعاي ورتالىعى قۇرىلعان. فرونت-وفيستە كاسىپكەرلەر بيزنەس-جوسپاردى ازىرلەۋدەن باستاپ جوبانى پايدالانۋعا بەرۋگە دەيىنگى قىزمەت تۇرلەرىن الادى. ونىڭ ىشىندە بارلىق رۇقسات بەرۋ قۇجاتتارىن قارجىلاندىرۋ جانە راسىمدەۋ بويىنشا كومەك كورسەتەدى. بۇگىنگە فرونت-كەڭسەنىڭ قىزمەتىنە 34 مىڭنان استام ازامات جۇگىندى. سونىمەن قاتار، اعىمداعى جىلى كاسىپكەرلەردىڭ جەڭىلدەتىلگەن نەسيەگە قول جەتكىزۋى ءۇشىن «Shymkent – Atameken» ميكروقارجى ۇيىمى قۇرىلعان.
شىمكەنت قالاسى اكىمدىگىنىڭ ءباسپاسوز قىزمەتى
