«Bıznestiń jol kartasy - 2025»: Shymkentte 2 myńǵa jýyq joba qarjylandyryldy

504

Shymkent qalasynyń ákimi Murat Áıtenov Ortalyq kommýnıkaııalar qyzmetinde ótken brıfıngte Memleket basshysynyń «Qarapaıym zattar ekonomıkasy» jáne «Bıznestiń jol kartasy» baǵdarlamalarynyń merzimin bir jylǵa uzartý jónindegi sheshimi kásipkerler úshin úlken múmkindik ekenin atap ótti.

«Qalada «Bıznestiń jol kartasy-2025» memlekettik baǵdarlamasyn júzege asyrýǵa 8,9 mlrd.teńge bólingen. Búginde baǵdarlama sheńberinde 7,8 mlrd. teńgege 1 946 jobaǵa qoldaý kórsetildi. «Qarapaıym zattar ekonomıkasy» baǵdarlamasy aıasynda 2021 jylǵa 2,9 mlrd. teńge bólindi. Búgingi kúnge quny 57,8 mlrd. teńgeni quraıtyn 70 jobaǵa 2,5 mlrd. teńgege qoldaý kórsetildi. Atalǵan jumystar kelesi jyly da jalǵasatyn bolady. Sonymen qatar, «Men kásipker bolamyn» jobasymen áıelder men jastar kásipkerligin damytý úshin jergilikti is-shara jospary iske asyrylýda. Atalǵan is-shara aıasynda 10 mln. teńgege deıin 1%-dyq 6 shaǵyn nesıeler berý qarastyrylǵan. Bul maqsatqa jergilikti bıýdjetten 1,1 mlrd. teńge qarjy bólindi»,- dedi shahar basshysy.

«Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan» memlekettik baǵdarlamasy aıasynda 1 mlrd. teńgege 70 joba qarjylandyrylǵan.

Qalada kásipkerlerge yńǵaıly jaǵdaı jasaý úshin «Bızneske arnalǵan úkimet – Shymkent Invest» kásipkerlerge qyzmet kórsetýdiń biryńǵaı ortalyǵy qurylǵan. Front-ofıste kásipkerler bıznes-jospardy ázirleýden bastap jobany paıdalanýǵa berýge deıingi qyzmet turlerin alady. Onyń ishinde barlyq ruqsat berý qujattaryn qarjylandyrý jáne rásimdeý boıynsha kómek kórsetedi. Búginge front-keńseniń qyzmetine 34 myńnan astam azamat júgindi. Sonymen qatar, aǵymdaǵy jyly kásipkerlerdiń jeńildetilgen nesıege qol jetkizýi úshin «Shymkent – Atameken» mıkroqarjy uıymy qurylǵan.

Shymkent qalasy ákimdiginiń baspasóz qyzmeti

Pikirler
Redakııa tańdaýy