قر تاۋەلسىزدىگىنىڭ 30 جىلدىعى اياسىندا، 1 جەلتوقسان – قر تۇڭعىش پرەزيدەنتى كۇنىنە وراي شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنىڭ «قوعامدىق كەلىسىم» كوممۋنالدىق مەملەكەتتىك مەكەمەسى قازاق ءتىلىنىڭ ۇلتارالىق قاتىناس ءتىلى رەتىندە قالىپتاسۋىنا جانە ەتنوس بالالارىنىڭ مەملەكەتتىك ءتىلدى بىلۋگە دەگەن قۇشتارلىعىن ارتتىرۋعا باعىتتالعان رەسپۋبليكالىق «مىڭ جۇيرىك» اعارتۋشىلىق جوباسىن وتكىزدى.
جوباعا قاتىسۋشىلاردى ىرىكتەۋ كەزەڭى ۇستىمىزدەگى جىلدىڭ 15 قاراشا كۇنى، ساعات 9.00-دە باستاۋ الىپ، 22 قاراشا، ساعات 21.00-گە دەيىن ونلاين-فورماتتا وتكىزىلدى.
قازاقستان حالقى اسسامبلەياسىنىڭ «قازاقتانۋ» عىلىمي-اعارتۋشىلىق جوباسىن ىسكە اسىرۋ ماقساتىندا ۇيىمداستىرىلعان جوباعا رەسپۋبليكا اۋماعىندا تۇراتىن 300-گە جۋىق ەتنوس بالالارى قاتىسىپ، «ەرتەگى الەمىنە ساياحات»، «تۇلعالار تاعلىمى»، «مەن ۇناتاتىن ماماندىق»، «تۋعان ولكەگە تاعزىم» باعىتتارى بويىنشا ءوز ونەرلەرىن ۇسىندى.
قازىلار القاسى ءتىل سايىسىنا قاتىسۋشى ۇمىتكەرلەردىڭ ونەرىن جان-جاقتى ساراپتاي كەلە، ون بالانى جەڭىمپاز دەپ تانىدى.
الماتى، شىمكەنت قالالارى مەن پاۆلودار، ماڭعىستاۋ، جامبىل، قىزىلوردا جانە تۇركىستان وبلىستارىنان سۋرىلىپ شىققان جەڭىمپازداردى شىمكەنت قالاسى اكىمىنىڭ ءبىرىنشى ورىنباسارى ش.مۇقان ماراپاتتاپ، باعالى سىيلاقتار تابىستادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
