QR Táýelsizdiginiń 30 jyldyǵy aıasynda, 1 jeltoqsan – QR Tuńǵysh Prezıdenti kúnine oraı Shymkent qalasy ishki saıasat jáne jastar isteri jónindegi basqarmasynyń «Qoǵamdyq kelisim» kommýnaldyq memlekettik mekemesi qazaq tiliniń ultaralyq qatynas tili retinde qalyptasýyna jáne etnos balalarynyń memlekettik tildi bilýge degen qushtarlyǵyn arttyrýǵa baǵyttalǵan respýblıkalyq «Myń júırik» aǵartýshylyq jobasyn ótkizdi.
Jobaǵa qatysýshylardy irikteý kezeńi ústimizdegi jyldyń 15 qarasha kúni, saǵat 9.00-de bastaý alyp, 22 qarasha, saǵat 21.00-ge deıin onlaın-formatta ótkizildi.
Qazaqstan halqy Assambleıasynyń «Qazaqtaný» ǵylymı-aǵartýshylyq jobasyn iske asyrý maqsatynda uıymdastyrylǵan jobaǵa respýblıka aýmaǵynda turatyn 300-ge jýyq etnos balalary qatysyp, «Ertegi álemine saıahat», «Tulǵalar taǵlymy», «Men unatatyn mamandyq», «Týǵan ólkege taǵzym» baǵyttary boıynsha óz ónerlerin usyndy.
Qazylar alqasy til saıysyna qatysýshy úmitkerlerdiń ónerin jan-jaqty saraptaı kele, on balany jeńimpaz dep tanydy.
Almaty, Shymkent qalalary men Pavlodar, Mańǵystaý, Jambyl, Qyzylorda jáne Túrkistan oblystarynan sýrylyp shyqqan jeńimpazdardy Shymkent qalasy ákiminiń birinshi orynbasary Sh.Muqan marapattap, baǵaly syılaqtar tabystady.
Shymkent qalasynyń Aqparattyq-kommýnıkaııalyq ortalyǵy
