شىمكەنت قالاسىندا ەل تاۋەلسىزدىگىنىڭ 30 جىلدىعىنا وراي، №135 جالپى ورتا ءبىلىم بەرەتىن مەكتەپتە سۋىرىپ سالما اقىن، شايىر «دارىن» مەملەكەتتىك سىيلىعىنىڭ يەگەرى، شىمكەنت قالالىق «قاراتاۋ» ءداستۇرلى ونەر مەكتەبىنىڭ ديرەكتورى ءبىرجان بايتۋوۆپەن سىرلى سۇحبات كەشى ءوتتى. كەشكە اياۋلى اجەلەر، مۇعالىمدەر جانە مەكتەپ وقۋشىلارى قاتىستى.
كەش قوناعى ءوزىنىڭ باسىنان وتكەن قىزىقتى وقيعالارى مەن اقىندىق قابىلەتتى قالاي شىڭداۋ كەرەكتىگى جايلى ايتتى. سونىمەن قاتار، كەش قاتىسۋشالارى كوكەيىندە جۇرگەن قىزىقتى سۇراقتارىن دا قويدى. اقىننىڭ شىعارعان جىرلارىمەن، ولەڭ شۋماق، كىتاپتارىمەن وقۋشىلار تەرەڭىنەن تانىسا ءتۇستى.
بۇگىنگە دەيىن تالاي رەت حالىقارالىق، رەسپۋبليكالىق الامانداردا توپ جارىپ، قانجىعاسىنا باس بايگەنى بايلاعان ءبىرجان – وڭتۇستىكتىڭ تۋماسى. ايتىس ساحناسىندا قارسىلاسىنا ەسە جىبەرمەيتىن جىگىت تابان استىندا تاپقىرلىق تانىتۋىنىڭ، سۋىرىپسالما ونەرىنىڭ قۇپياسىمەن ءبولىسىپ، ءوز كەزەگىندە قولىنا دومبىراسىن الىپ ، ىقىلاس رەتىندە ارناۋ ايتتى.
كەش بارىسىندا مەكتەپتىڭ بەلسەندى وقۋشىلارى ءان-جىردان شاشۋ شاشتى. جينالعان قاۋىم ءمان-ماڭىزى ەرەكشە بولعان جيىننان ەرەكشە اسەر الىپ تارقاستى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
