AQYN BIRJAN BAITÝOVPEN SYRLY SUHBAT KEShI ÓTTI

1535
Adyrna.kz Telegram

Shymkent qalasynda el Táýelsizdiginiń 30 jyldyǵyna oraı, №135 jalpy orta bilim beretin mektepte sýyryp salma aqyn, shaıyr «Daryn» memlekettik syılyǵynyń ıegeri, Shymkent qalalyq «Qarataý» dástúrli óner mektebiniń dırektory Birjan Baıtýovpen syrly suhbat keshi ótti. Keshke aıaýly ájeler, muǵalimder jáne mektep oqýshylary qatysty.

Kesh qonaǵy óziniń basynan ótken qyzyqty oqıǵalary men aqyndyq qabiletti qalaı shyńdaý kerektigi jaıly aıtty. Sonymen qatar, kesh qatysýshalary kókeıinde júrgen qyzyqty suraqtaryn da qoıdy. Aqynnyń shyǵarǵan jyrlarymen, óleń shýmaq, kitaptarymen oqýshylar tereńinen tanysa tústi.

Búginge deıin talaı ret halyqaralyq, respýblıkalyq alamandarda top jaryp, qanjyǵasyna bas báıgeni baılaǵan Birjan – Ońtústiktiń týmasy. Aıtys sahnasynda qarsylasyna ese jibermeıtin jigit taban astynda tapqyrlyq tanytýynyń, sýyrypsalma óneriniń qupııasymen bólisip, óz kezeginde qolyna dombyrasyn alyp , yqylas retinde arnaý aıtty.

Kesh barysynda mekteptiń belsendi oqýshylary án-jyrdan shashý shashty. Jınalǵan qaýym mán-mańyzy erekshe bolǵan jıynnan erekshe áser alyp tarqasty.

Shymkent qalasynyń Aqparattyq-kommýnıkaııalyq ortalyǵy

Pikirler