شىمكەنتتە جاسوسپىرىمدەرگە COVID-19 ۆاكتسيناسىن ەگۋ باستالدى

232

شىمكەنتتە 12-17 جاس ارالىعىنداعى جاسوسپىرىمدەرگە ۆاكتسينا سالىنا باستادى. العاش بولىپ كەشە قالاداعى تۇرار رىسقۇلوۆ اتىنداعى №25 مەكتەپ-گيمنازيا وقۋشىلارى الدى.

ت.رىسقۇلوۆ اتىنداعى №25 مەكتەپ-گيمنازيانىڭ ديرەكتورى روزا جاڭاباەۆا: «بۇعان جاسوسپىرىمدەردىڭ اتا-انالارى كەلىسىم بەرىپ وتىر. بىزدەگى مۇعالىمدەر قۇرامى دا تولىق دەرلىك ەكپە سالدىرعان. تەك وسىلاي عانا ءداستۇرلى وقۋ فورماتىن جالعاستىرۋعا مۇمكىندىك الاتىنىمىزدى تۇسىنەمىز»، – دەدى.

شىمكەنت قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆتىڭ مالىمەتىنشە، قازىرگى تاڭدا قالاعا قاجەت 79 مىڭ دوزا ەكپەنىڭ 46 800 دوزاسى ساتىپ الىنعان.

– بالالارعا ەكپە مەكتەپتەردە سالىنادى، قولايلى ءارى بۇرىننان سولاي ەگىلەتىن. مۇندا مەديتسينالىق پۋنكتەر بار، بالالارعا قولايلى، ەمحانالارعا بارۋدىڭ قاجەتى جوق. ونىڭ ۇستىنە باسقا دەرتتى جۇقتىرىپ الۋدىڭ قاۋپى مەيلىنشە ازايادى. باسا ايتا كەتەتىن جايت، وقۋشىلارعا كوۆيدكە قارسى ۆاكتسينا تەك ولاردىڭ اتا-انالارى نەمەسە زاڭدى وكىلدەرىنىڭ اقپاراتتاندىرىلعان كەلىسىمىمەن عانا سالىنادى، – دەدى ب.پوزيلوۆ.

ايتا كەتۋ كەرەك، جاسوسپىرىمدەرگە كوروناۆيرۋسقا قارسى ەكپە سالۋ تاجىريبەسى دۇنيە جۇزىندە قولدانىلادى. دۇنيەجۇزىلىك دەنساۋلىق ساقتاۋ ۇيىمى 12 جاستان 17-گە دەيىنگى بالالاردى ۆاكتسينا الاتىن توپقا ەنگىزگەن.

– ەكپە سالعاندا اۋىرعان جوق. اتا-انام ماعان ەكپەنىڭ ماڭىزىن ايتىپ، كوروناۆيرۋستى جەڭۋدىڭ جولى ەكەنىن ءتۇسىندىردى. ۇيدەگى ەرەسەكتەردىڭ بارلىعى ەكپە العان، – دەيدى گيمنازيانىڭ وقۋشىسى ايسۇلۋ.

– ەكپە سالدىرۋعا اتا-انامنىڭ رۇقساتىن الدىم، ولار مەنىڭ بۇل شەشىمىمدى تولىق قولدادى. وسىنداي مۇمكىندىك بار كەزدە ۆاكتسينا سالدىرۋ كەرەك دەپ ويلايمىن، – دەيدى تاعى ءبىر وقۋشى اقەركە تۇرسىنقۇل.

– Pfizer ۆاكتسيناسى الەم بويىنشا مويىندالعان. كەلەسى جىلى وتباسىمىزبەن الىس شەتەلگە شىعۋدى جوسپارلاپ وتىرعان ەدىك، ال ول جاقتا ۆاكتسينا پاسپورتى تالاپ ەتىلەدى، – دەيدى وقۋشىلاردىڭ ءبىرىنىڭ اناسى.

– ءبىز ۆاكتسينا ەگۋگە تولىق دايىنبىز. قازىرگى تاڭدا اتا-انالارمەن جۇمىس ىستەپ، ولارعا ەكپەنىڭ نە ءۇشىن قاجەت ەكەنىن ءتۇسىندىرىپ جاتىرمىز، – دەيدى «№14 ەمدەۋ ورتالىعى» جشس مەكتەپ ءبولىمىنىڭ مەڭگەرۋشىسى اناستاسيا ۆودولاجسكايا.

ەسكە سالايىق، COVID-19-عا قارسى جانە باسقا دا ەكپەلەر تەك اتا-انانىڭ اقپاراتتاندىرىلعان كەلىسىمىمەن عانا سالىنادى. ولار بالالارىنا ەكپە سالۋ كەزىندە مەكتەپتە دە، ەمحانالاردا دا قاسىندا بولا الادى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket