ShYMKENTTE JASÓSPIRIMDERGE COVID-19 VAKINASYN EGÝ BASTALDY

231

Shymkentte 12-17 jas aralyǵyndaǵy jasóspirimderge vakına salyna bastady. Alǵash bolyp keshe qaladaǵy Turar Rysqulov atyndaǵy №25 mektep-gımnazııa oqýshylary aldy.

T.Rysqulov atyndaǵy №25 mektep-gımnazııanyń dırektory Roza Jańabaeva: «Buǵan jasóspirimderdiń ata-analary kelisim berip otyr. Bizdegi muǵalimder quramy da tolyq derlik ekpe saldyrǵan. Tek osylaı ǵana dástúrli oqý formatyn jalǵastyrýǵa múmkindik alatynymyzdy túsinemiz», – dedi.

Shymkent qalalyq densaýlyq saqtaý basqarmasynyń basshysy Baqytjan Pozılovtyń málimetinshe, qazirgi tańda qalaǵa qajet 79 myń doza ekpeniń 46 800 dozasy satyp alynǵan.

– Balalarǵa ekpe mektepterde salynady, qolaıly ári burynnan solaı egiletin. Munda medıınalyq pýnkter bar, balalarǵa qolaıly, emhanalarǵa barýdyń qajeti joq. Onyń ústine basqa dertti juqtyryp alýdyń qaýpi meılinshe azaıady. Basa aıta ketetin jaıt, oqýshylarǵa kovıdke qarsy vakına tek olardyń ata-analary nemese zańdy ókilderiniń aqparattandyrylǵan kelisimimen ǵana salynady, – dedi B.Pozılov.

Aıta ketý kerek, jasóspirimderge koronavırýsqa qarsy ekpe salý tájirıbesi dúnıe júzinde qoldanylady. Dúnıejúzilik densaýlyq saqtaý uıymy 12 jastan 17-ge deıingi balalardy vakına alatyn topqa engizgen.

– Ekpe salǵanda aýyrǵan joq. Ata-anam maǵan ekpeniń mańyzyn aıtyp, koronavırýsty jeńýdiń joly ekenin túsindirdi. Úıdegi eresekterdiń barlyǵy ekpe alǵan, – deıdi gımnazııanyń oqýshysy Aısulý.

– Ekpe saldyrýǵa ata-anamnyń ruqsatyn aldym, olar meniń bul sheshimimdi tolyq qoldady. Osyndaı múmkindik bar kezde vakına saldyrý kerek dep oılaımyn, – deıdi taǵy bir oqýshy Aqerke Tursynqul.

– Pfizer vakınasy álem boıynsha moıyndalǵan. Kelesi jyly otbasymyzben alys shetelge shyǵýdy josparlap otyrǵan edik, al ol jaqta vakına pasporty talap etiledi, – deıdi oqýshylardyń biriniń anasy.

– Biz vakına egýge tolyq daıynbyz. Qazirgi tańda ata-analarmen jumys istep, olarǵa ekpeniń ne úshin qajet ekenin túsindirip jatyrmyz, – deıdi «№14 emdeý ortalyǵy» JShS mektep bóliminiń meńgerýshisi Anastasııa Vodolajskaıa.

Eske salaıyq, COVID-19-ǵa qarsy jáne basqa da ekpeler tek ata-ananyń aqparattandyrylǵan kelisimimen ǵana salynady. Olar balalaryna ekpe salý kezinde mektepte de, emhanalarda da qasynda bola alady.

Pikirler
Redakııa tańdaýy