ساۋلە شاعىن اۋدانى ساپالى ينتەرنەتپەن قامتىلۋدا

1135
Adyrna.kz Telegram

ينتەرنەتتىڭ قولجەتىمدى بولۋى – ەلدىڭ تسيفرلىق دامۋىنداعى ستراتەگيالىق ماڭىزدى ماسەلە.

مەملەكەت باسشىسى ق. توقاەۆ ءوزىنىڭ قازاقستان حالقىنا ارناعان جولداۋىندا ەڭ الدىمەن تسيفرلىق تەڭسىزدىكتى جويۋ، ينتەرنەتكە بارىنشا قولجەتىمدىلىكتى جانە بارلىق ازاماتتاردىڭ ساپالى بايلانىسقا قوسىلۋىن قامتاماسىز ەتۋ قاجەت ەكەنىن اتاپ ءوتتى.

بۇل مىندەتتەمەنى جۇزەگە اسىرۋ ماقساتىندا شىمكەنت قالاسىنداعى شالعاي ورنالاسقان ەلدىمەكەن تۇرعىندارىن ساپالى ينتەرنەتكە قوسۋ ماقساتىندا ينۆەستورلار تارتىلدى.

سونىڭ ءبىرى ءال-فارابي اۋدانىنا قاراستى 9000-نان استام حالقى بار ساۋلە شاعىن اۋدانىن وپتيكالىق جەلى ارقىلى ساپالى ينتەرنەتپەن قامتۋ ءۇشىن قالالىق تسيفرلاندىرۋ باسقارماسىنىڭ تارپىنان بىرقاتار جۇمىستار اتقارىلىپ، جەكە ينۆەستورلارمەن كەلىسىمدەر جۇرگىزگەن بولاتىن.

بۇگىنگى تاڭدا، ساۋلە شاعىن اۋدانىنا «سپەتساۆتوماتيكاسەرۆيس» جاۋاپكەرشىلىگى شەكتەۋلى سەرىكتەستىگى تاراپىنان وپتيكا جەلىسى تولىق (100%) جۇرگىزىلىپ، 2500-گە جۋىق ۇيگە تالشىقتى وپتيكا جەلىسى جالپى سانى 200 كم قامتيتىن ابونەنتتىك كابەل تارتىلدى. ناتيجەسىندە، ساۋلە شاعىن اۋدانىنداعى 9000 نان استام قالا تۇرعىندارىن ساپالى ينتەرنەتپەن قامتۋعا تولىق مۇمكىندىك جاسالىنۋدا.

ينتەرنەت ساپاسىن ارتتىرۋ، اسىرەسە، وقۋشىلار مەن ستۋدەنتتەردى قاشىقتان وقىتۋعا بايلانىستى اسا وزەكتى مماسەلە بولىپ وتىر. ءاربىر تۇرعىن ءۇي مەن ۇيىمدا ورنالاسقان جەرىنە قاراماستان ساپالى ينتەرنەت پەن بايلانىس جەلىسى بولۋى كەرەك. وسىعان وراي، قازىرگى تاڭدا كومپانيا تاراپىنان تۇرعىنداردان ينتەرنەتكە قوسىلۋعا وتىنىمدەر قابىلدانۋدا. تۇرعىندار تاراپىنان كەڭجولاقتى ينتەرنەت جەلىسىنە قوسىلۋعا ناقتى وتىنىمدەر بەرىلگەن جاعدايدا، «سپەتساۆتوماتيكاسەرۆيس» كومپانيا تاراپى شاعىن اۋداندى تولىققاندى تالشىقتى وپتيكا جەلىسىمەن (200 مبيت/سەك جىلدامدىعىنا دەيىن) قامتاماسىز ەتەتىن بولادى.

شىمكەنت قالاسىنىڭ اقپاراتتىق-كوممۋنيكاتسيالىق ورتالىعى

پىكىرلەر