İnternettıŋ qoljetımdı boluy – eldıŋ sifrlyq damuyndaǧy strategiialyq maŋyzdy mäsele.
Memleket basşysy Q. Toqaev özınıŋ Qazaqstan halqyna arnaǧan Joldauynda eŋ aldymen sifrlyq teŋsızdıktı joiu, internetke barynşa qoljetımdılıktı jäne barlyq azamattardyŋ sapaly bailanysqa qosyluyn qamtamasyz etu qajet ekenın atap öttı.
Būl mındettemenı jüzege asyru maqsatynda Şymkent qalasyndaǧy şalǧai ornalasqan eldımeken tūrǧyndaryn sapaly internetke qosu maqsatynda investorlar tartyldy.
Sonyŋ bırı Äl-Farabi audanyna qarasty 9000-nan astam halqy bar Säule şaǧyn audanyn optikalyq jelı arqyly sapaly internetpen qamtu üşın qalalyq sifrlandyru basqarmasynyŋ tarpynan bırqatar jūmystar atqarylyp, jeke investorlarmen kelısımder jürgızgen bolatyn.
Bügıngı taŋda, Säule şaǧyn audanyna «SpesavtomatikaServis» jauapkerşılıgı şekteulı serıktestıgı tarapynan optika jelısı tolyq (100%) jürgızılıp, 2500-ge juyq üige talşyqty optika jelısı jalpy sany 200 km qamtityn abonenttık kabel tartyldy. Nätijesınde, Säule şaǧyn audanyndaǧy 9000 nan astam qala tūrǧyndaryn sapaly internetpen qamtuǧa tolyq mümkındık jasalynuda.
İnternet sapasyn arttyru, äsırese, oquşylar men studentterdı qaşyqtan oqytuǧa bailanysty asa özektı mmäsele bolyp otyr. Ärbır tūrǧyn üi men ūiymda ornalasqan jerıne qaramastan sapaly internet pen bailanys jelısı boluy kerek. Osyǧan orai, qazırgı taŋda kompaniia tarapynan tūrǧyndardan internetke qosyluǧa ötınımder qabyldanuda. Tūrǧyndar tarapynan keŋjolaqty internet jelısıne qosyluǧa naqty ötınımder berılgen jaǧdaida, «SpesavtomatikaServis» kompaniia tarapy şaǧyn audandy tolyqqandy talşyqty optika jelısımen (200 Mbit/sek jyldamdyǧyna deiın) qamtamasyz etetın bolady.
Şymkent qalasynyŋ Aqparattyq-kommunikasiialyq ortalyǧy
