شىمكەنت قالاسىنا سەرىك ءتولباسوۆتىڭ قورى تاعى ءۇش كوپفۋنكتسيونالدى سپورت الاڭىن سىيعا تارتتى.
ءال-فارابي اۋدانى مايلىقوجا كوشەسىندەگى كوپقاباتتى № 17 ءۇي اۋلاسىندا جەكە كاسىپكەر قورىنىڭ ەسەبىنەن سالىنعان الاڭشانى قالا اكىمىنىڭ ورىنباسارى ماقسۇت يساحوۆ اشتى.
سەرىك ءتولباسوۆتىڭ جەكە قورى 2007 جىلدىڭ 18 قاڭتارىندا قۇرىلعان.
قور جۇمىسىنىڭ ماقساتى قوعامدىق ۇيىمداردى قولداۋ بولىپ تابىلادى. 2021 جىلعى مامىردان قاراشاعا دەيىن سەرىك ءتولباسوۆ قورى شىمكەنت قالاسىندا كوپفۋنكتسيونالدى سپورت الاڭدارىن سالۋعا 100 000 000 تەڭگە بەردى. سپورت نىساندارى ءۇش سەريامەن پايدالانۋعا بەرىلدى: ەكەۋى مامىر-ماۋسىمدا، ەكەۋى شىلدە – تامىزدا جانە ۇشەۋى 2021 جىلدىڭ قاراشاسىندا. ءۇش جاڭا سپورت نىسانى، الدىڭعى نىساندار سياقتى، 50 ش. م. دەيىن workout ايماعىمەن جابدىقتالعان، بۇل ءبىر مەزگىلدە بىرنەشە سپورت تۇرلەرىمەن اينالىسۋعا مۇمكىندىك بەرەدى، كەز كەلگەن اۋا رايىندا قولدانۋعا ىڭعايلى بولۋى ءۇشىن قورعانىس قورشاۋلارى جانە زاماناۋي ەدەن جابىنى بار.
«بۇگىنگە دەيىن بۇقارالىق سپورتتى دامىتۋعا باسىمدىق بەرۋىنىڭ ناتيجەسىندە قالادا تۇراقتى تۇردە دەنە شىنىقتىرۋ جانە سپورتپەن اينالىساتىن ازاماتتار سانى ارتىپ كەلەدى. قور ەسەبىنەن سالىنعان بۇل سپورت الاڭشاسى جاسوسپىرىمدەردىڭ بوس ۋاقىتتارىن ءتيىمدى وتكىزۋىنە جانە بۇقارالىق سپورتتىڭ دامۋىنا مۇمكىندىك جاسايدى. يگى باستامانى قولعا العان جاناشىر ازاماتتارعا ريزامىز! »– دەدى ماقسۇت پەرنەبايۇلى.
سپورت الاڭدارىن ەنگىزۋدىڭ نەگىزگى ماقساتى تۇرعىلىقتى جەرى بويىنشا دەنە شىنىقتىرۋمەن جانە سپورتپەن اينالىسۋ ءۇشىن اۋلالىق دەنە شىنىقتىرۋ-سپورتتىق ينفراقۇرىلىمنىڭ قولجەتىمدىلىگىن كەڭەيتۋ بولىپ تابىلادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
