Shymkent qalasyna Serik Tólbasovtyń qory taǵy úsh kópfýnkıonaldy sport alańyn syıǵa tartty.
Ál-Farabı aýdany Maılyqoja kóshesindegi kópqabatty № 17 úı aýlasynda jeke kásipker qorynyń esebinen salynǵan alańshany qala ákiminiń orynbasary Maqsut Isahov ashty.
Serik Tólbasovtyń Jeke Qory 2007 jyldyń 18 qańtarynda qurylǵan.
Qor jumysynyń maqsaty qoǵamdyq uıymdardy qoldaý bolyp tabylady. 2021 jylǵy mamyrdan qarashaǵa deıin Serik Tólbasov Qory Shymkent qalasynda kópfýnkıonaldy sport alańdaryn salýǵa 100 000 000 teńge berdi. Sport nysandary úsh serııamen paıdalanýǵa berildi: ekeýi mamyr-maýsymda, ekeýi shilde – tamyzda jáne úsheýi 2021 jyldyń qarashasynda. Úsh jańa sport nysany, aldyńǵy nysandar sııaqty, 50 sh. m. deıin workout aımaǵymen jabdyqtalǵan, bul bir mezgilde birneshe sport túrlerimen aınalysýǵa múmkindik beredi, kez kelgen aýa raıynda qoldanýǵa yńǵaıly bolýy úshin qorǵanys qorshaýlary jáne zamanaýı eden jabyny bar.
«Búginge deıin buqaralyq sportty damytýǵa basymdyq berýiniń nátıjesinde qalada turaqty túrde dene shynyqtyrý jáne sportpen aınalysatyn azamattar sany artyp keledi. Qor esebinen salynǵan bul sport alańshasy jasóspirimderdiń bos ýaqyttaryn tıimdi ótkizýine jáne buqaralyq sporttyń damýyna múmkindik jasaıdy. Igi bastamany qolǵa alǵan janashyr azamattarǵa rızamyz! »– dedi Maqsut Pernebaıuly.
Sport alańdaryn engizýdiń negizgi maqsaty turǵylyqty jeri boıynsha dene shynyqtyrýmen jáne sportpen aınalysý úshin aýlalyq dene shynyqtyrý-sporttyq ınfraqurylymnyń qoljetimdiligin keńeıtý bolyp tabylady.
Shymkent qalasynyń Aqparattyq-kommýnıkaııalyq ortalyǵy
