ءۇشىنشى مەگاپوليستە قالالىق ىشكى ساياسات جانە جاستار ىستەرى جونىندەگى باسقارماسىنىڭ ۇيىمداستىرۋمەن جاستار رەسۋرستىق ورتالىعىندا تاۋەلسىزدىكتىڭ 30 جىلدىعى قارساڭىندا شاھاردىڭ الەۋمەتتىك-ەكونوميكالىق دامۋىنا، جاستار ساياساتى مەن قايىرىمدىلىققا قوسقان ۇلەستەرى ءۇشىن بىرقاتار جاستار ماراپات تورىنەن كورىندى.
سونىمەن قاتار، بەلسەندى قوعامدىق قىزمەتى ءۇشىن 30 جىلدىقتىڭ وزاتتارى، قالاداعى تاۋەلسىزدىك قۇرداستارى باسقارما باسشىسىنىڭ العىس حاتىمەن ماراپاتتالدى.
جيىندا ءسوز العان قالالىق جاستار رەسۋرستىق ورتالىعىنىڭ ديرەكتورى ەرلان ايتباەۆ ازاتتىقتىڭ اق تاڭىندا دۇنيەگە كەلگەن تاۋەلسىزدىك قۇرداستارى مەن ءتۇرلى سالادا جەتىستىككە جەتكەن جاستارعا، ەرىكتىلەر ۇيىمدارىنا العىس حات تابىستادى. ال، «تاۋەلسىزدىك ۇرپاعى» مەن «جاس ۆولونتەر» جوبالارىنىڭ اراسىندا ۇزدىك شىققاندارعا قۇرمەت كورسەتىلدى. ولاردىڭ قاتارىندا «ASAA» جاستار ۇيىمى مەن «ىزگىلىكتە جارىسايىق» قايىرىمدىلىق قورى بار. ەكى ۇيىم دا 1 ملن تەڭگەنىڭ سەرتيفيكاتى تاپسىرىلدى.
– تاۋەلسىزدىكتىڭ 30 جىلىندا ەلىمىز سان ءتۇرلى قيىندىقتان ءوتىپ، تالاي بەلەستى باعىندىردى. بۇگىنگى شاراعا شاھارىمىزدىڭ ءار اۋدانىنان تاۋەلسىزدىك قۇرداستارى، ءارتۇرلى ساناتتاعى جاستاردىڭ بەلسەندى وكىلدەرى، جاستار ۇيىمدارىنىڭ كوشباسشىلارى، قالا جاستارى قاتىسىپ جاتىر. ەڭسەلى ەلىمىزبەن بىرگە ءوسىپ، وركەندەپ كەلە جاتقان جاستاردىڭ بۇگىنگى قارقىنى، بىلىمگە دەگەن قۇلشىنىسى، قوعامدىق قىزمەتى كوڭىل قۋانتادى، – دەدى ە.سادىربايۇلى.
ورتالىق باسشىسىنىڭ ايتۋىنشا، تاۋەلسىزدىك قۇرداستارى جىل بويى اتا-اناسىنىڭ قامقورلىعىنان ايىرىلعان بالالارعا تالىمگەرلىك جاساۋمەن، مۇمكىندىگى شەكتەۋلى بالالارعا ترەنينگتەر مەن تانىمدىق ەكسكۋرسيا ۇيىمداستىرۋ سياقتى قايىرىمدىلىق ىستەرمەن اينالىستى. سونىمەن قاتار، الەۋمەتتىك از قامتىلعان وتباسىلارعا كومەك كورسەتۋ جانە ازىق-تۇلىك سەبەتتەرىن تاراتۋ شارالارىن جۇرگىزدى.
ازامات جاپپار
فوتو سەرىك قوساەۆ
