Úshinshi megapolıste qalalyq ishki saıasat jáne jastar isteri jónindegi basqarmasynyń uıymdastyrýmen jastar resýrstyq ortalyǵynda Táýelsizdiktiń 30 jyldyǵy qarsańynda shahardyń áleýmettik-ekonomıkalyq damýyna, jastar saıasaty men qaıyrymdylyqqa qosqan úlesteri úshin birqatar jastar marapat tórinen kórindi.
Sonymen qatar, belsendi qoǵamdyq qyzmeti úshin 30 jyldyqtyń ozattary, qaladaǵy táýelsizdik qurdastary basqarma basshysynyń alǵys hatymen marapattaldy.
Jıynda sóz alǵan qalalyq jastar resýrstyq ortalyǵynyń dırektory Erlan Aıtbaev azattyqtyń aq tańynda dúnıege kelgen táýelsizdik qurdastary men túrli salada jetistikke jetken jastarǵa, eriktiler uıymdaryna alǵys hat tabystady. Al, «Táýelsizdik urpaǵy» men «Jas volonter» jobalarynyń arasynda úzdik shyqqandarǵa qurmet kórsetildi. Olardyń qatarynda «ASAA» jastar uıymy men «Izgilikte jarysaıyq» qaıyrymdylyq qory bar. Eki uıym da 1 mln teńgeniń sertıfıkaty tapsyryldy.
– Táýelsizdiktiń 30 jylynda elimiz san túrli qıyndyqtan ótip, talaı belesti baǵyndyrdy. Búgingi sharaǵa shaharymyzdyń ár aýdanynan táýelsizdik qurdastary, ártúrli sanattaǵy jastardyń belsendi ókilderi, jastar uıymdarynyń kóshbasshylary, qala jastary qatysyp jatyr. Eńseli elimizben birge ósip, órkendep kele jatqan jastardyń búgingi qarqyny, bilimge degen qulshynysy, qoǵamdyq qyzmeti kóńil qýantady, – dedi E.Sadyrbaıuly.
Ortalyq basshysynyń aıtýynsha, táýelsizdik qurdastary jyl boıy ata-anasynyń qamqorlyǵynan aıyrylǵan balalarǵa tálimgerlik jasaýmen, múmkindigi shekteýli balalarǵa trenıngter men tanymdyq ekskýrsııa uıymdastyrý sııaqty qaıyrymdylyq istermen aınalysty. Sonymen qatar, áleýmettik az qamtylǵan otbasylarǵa kómek kórsetý jáne azyq-túlik sebetterin taratý sharalaryn júrgizdi.
Azamat JAPPAR
Foto Serik QOSAEV
