شىمكەنتتە دەمەۋشى ەسەبىنەن بالالار سپورت الاڭشاسى پايدالانۋعا بەرىلدى. الاڭشانىڭ اشىلۋ ءراسىمى قابانباي باتىر كوشەسى 5 ءۇيدىڭ اۋلاسىندا ءوتتى.
مەملەكەت باسشىسىنىڭ بۇقارالىق جانە بالالار سپورتىمەن اينالىسۋدىڭ قولجەتىمدىلىگىن ارتتىرۋ تۋرالى تاپسىرماسىنا سايكەس ءال-فارابي اۋدانىندا دەمەۋشى ەسەبىنەن 6 سپورت الاڭشاسى سالىندى.
اۋدان اۋماعىندا تاۋەلسىزدىكتىڭ 30 جىلدىعى قارساڭىندا اشىلعان زاماناۋي سپورت الاڭشالارى بارلىق ستاندارتتارعا ساي. وندا ۆوركاۋت ايماعى، فيتنەس، ۆولەيبول، باسكەتبول جانە كىشى فۋتبول ويناۋعا مۇمكىندىك بار.
بۇقارالىق سپورتتىڭ دامۋىنا ۇلەس قوسىپ جۇرگەن شىمكەنت قالاسىنىڭ قۇرمەتتى ازاماتى سەرىك ءتۇلباسوۆ سپورت الاڭشالارىن ءوز جەكە قورى ەسەبىنەن سالىپ بەرگەن. بۇعان دەيىن مەتسەناتتىڭ قولداۋىمەن بەس الاڭشانىڭ قۇرىلىسى تولىق اياقتالىپ، پايدالانۋعا بەرىلگەن بولاتىن
سونداي-اق، حالىقتىڭ سالاۋاتتى ءومىر سالتىن قالىپتاستىرىپ، بالالاردىڭ بوس ۋاقىتىن ءتيىمدى ۇيىمداستىرۋ ماقساتىندا اۋداندا جىل سوڭىنا دەيىن بيۋدجەت ەسەبىنەن 25 سپورت الاڭشاسى حالىق يگىلىگىنە تاپسىرىلاتىن بولادى.
شىمكەنت قالاسىندا بۇقارالىق جانە بالالار سپورتىن دامىتۋ ماسەلەسى قالا اكىمىنىڭ ەرەكشە باقىلاۋىندا.
