Demeýshi esebinen 6 sport alańsha ashyldy

369

Shymkentte demeýshi esebinen balalar sport alańshasy paıdalanýǵa berildi. Alańshanyń ashylý rásimi Qabanbaı batyr kóshesi 5 úıdiń aýlasynda ótti.

Memleket basshysynyń buqaralyq jáne balalar sportymen aınalysýdyń qoljetimdiligin arttyrý týraly tapsyrmasyna sáıkes Ál-Farabı aýdanynda demeýshi esebinen 6 sport alańshasy salyndy.

Aýdan aýmaǵynda Táýelsizdiktiń 30 jyldyǵy qarsańynda ashylǵan zamanaýı sport alańshalary barlyq standarttarǵa saı. Onda vorkaýt aımaǵy, fıtnes, voleıbol, basketbol jáne kishi fýtbol oınaýǵa múmkindik bar.

Buqaralyq sporttyń damýyna úles qosyp júrgen Shymkent qalasynyń Qurmetti azamaty Serik Túlbasov sport alańshalaryn óz jeke qory esebinen salyp bergen. Buǵan deıin meenattyń qoldaýymen bes alańshanyń qurylysy tolyq aıaqtalyp, paıdalanýǵa berilgen bolatyn

Sondaı-aq, halyqtyń salaýatty ómir saltyn qalyptastyryp, balalardyń bos ýaqytyn tıimdi uıymdastyrý maqsatynda aýdanda jyl sońyna deıin bıýdjet esebinen 25 sport alańshasy halyq ıgiligine tapsyrylatyn bolady.
Shymkent qalasynda buqaralyq jáne balalar sportyn damytý máselesi qala ákiminiń erekshe baqylaýynda.

Pikirler
Redakııa tańdaýy