شىمكەنت قالاسىنىڭ اباي اۋدانى اۋماعىندا 453 كوپقاباتتى تۇرعىن ءۇي بار. ونىڭ 374-ءى كوندومينيۋم نىسانى رەتىندە ادىلەت باسقارماسىندا تىركەۋدەن وتكەن. وسى كوپقاباتتى ۇيلەردە مۇلىك يەلەرى بىرلەستىگىن (ميب) جانە جاي سەرىكتەستىك (جس) قۇرۋ بويىنشا تۇرعىندارعا ءتۇسىندىرۋ جۇمىستارىنىڭ مەديا جوسپارى بەكىتىلىپ، سوعان ساي امالدار اتقارىلۋدا.
وسىعان وراي، بۇگىنگى تاڭعا دەيىن اۋدان اكىمشىلىگىنىڭ ۇيىمداستىرۋىمەن كوپقاباتتى ۇيلەردى ميب جانە جس-عا بىرىكتىرۋدىڭ تيىمدىلىگىن ءتۇسىندىرۋ بويىنشا حالىقپەن 574 جينالىس ۇيىمداستىرىلدى.
ناتيجەسىندە، 389 كوپقاباتتى ءۇيدىڭ كەلىسىم حاتتاماسى جاسالىپ، تۇرعىن ءۇي كولەمىنە شاققاندا ول 76,6 % جەتتى. ونىڭ ىشىندە، 289 كوپقاباتتى تۇرعىن ۇيدە جس، 58-ىندە ميب قۇرىلىپ، قالالىق ادىلەت دەپارتامەنتىندە تىركەلدى.
وسى ءىس بويىنشا وتكەن اپتادا 31 جينالىس وتكىزىلىپ، حاتتامالار ءتۇزىلدى.
قاراتاۋ اۋدانىندا ميب جانە جس-ءنى ناسيحاتتاۋ بويىنشا تۇرعىندارمەن 83 كەزدەسۋ، 18 ونلاين جينالىس ۇيىمداستىرىلدى. وسى كۇنگە دەيىن اۋداندا 10 ميب جانە 287 جس قۇرىلدى. سونىمەن قاتار، تۇسىندىرمە جۇمىستارى ناتيجەسىندە قالعان كوپقاباتتى ۇيلەردەن حاتتامالار جيناقتالۋدا.
بۇگىنگى تاڭعا دەيىن ءال-فارابي اۋدانى اكىمشىلىگىنىڭ ۇيىمداستىرۋىمەن كوپقاباتتى ۇيلەردە باسقارۋدىڭ جاڭا نىسانىنا كوشۋ بويىنشا تۇرعىندارمەن 517 جينالىس وتكىزىلدى. سونىڭ ناتيجەسىندە، 53 كوپقاباتتى تۇرعىن ءۇيدىڭ باسقارۋ جۇيەسى ميب-كە اۋىسىپ، قالالىق ادىلەت دەپارتامەنتىندە تىركەلدى. سونداي-اق، 275 تۇرعىن ءۇي باسقارۋدىڭ جس جۇيەسىنە كوشتى. ميب قۇرۋ بويىنشا قوسىمشا 33 كوپقاباتتى تۇرعىن ءۇيدىڭ كەلىسىم حاتتاماسى جيناقتالۋدا.
ءانۋار جۇماشباەۆ
