Shymkent qalasynyń Abaı aýdany aýmaǵynda 453 kópqabatty turǵyn úı bar. Onyń 374-i kondomınıým nysany retinde ádilet basqarmasynda tirkeýden ótken. Osy kópqabatty úılerde múlik ıeleri birlestigin (MIB) jáne jaı seriktestik (JS) qurý boıynsha turǵyndarǵa túsindirý jumystarynyń medıa jospary bekitilip, soǵan saı amaldar atqarylýda.
Osyǵan oraı, búgingi tańǵa deıin aýdan ákimshiliginiń uıymdastyrýymen kópqabatty úılerdi MIB jáne JS-ǵa biriktirýdiń tıimdiligin túsindirý boıynsha halyqpen 574 jınalys uıymdastyryldy.
Nátıjesinde, 389 kópqabatty úıdiń kelisim hattamasy jasalyp, turǵyn úı kólemine shaqqanda ol 76,6 % jetti. Onyń ishinde, 289 kópqabatty turǵyn úıde JS, 58-inde MIB qurylyp, qalalyq ádilet departamentinde tirkeldi.
Osy is boıynsha ótken aptada 31 jınalys ótkizilip, hattamalar túzildi.
Qarataý aýdanynda MIB jáne JS-ni nasıhattaý boıynsha turǵyndarmen 83 kezdesý, 18 onlaın jınalys uıymdastyryldy. Osy kúnge deıin aýdanda 10 MIB jáne 287 JS quryldy. Sonymen qatar, túsindirme jumystary nátıjesinde qalǵan kópqabatty úılerden hattamalar jınaqtalýda.
Búgingi tańǵa deıin Ál-Farabı aýdany ákimshiliginiń uıymdastyrýymen kópqabatty úılerde basqarýdyń jańa nysanyna kóshý boıynsha turǵyndarmen 517 jınalys ótkizildi. Sonyń nátıjesinde, 53 kópqabatty turǵyn úıdiń basqarý júıesi MIB-ke aýysyp, qalalyq ádilet departamentinde tirkeldi. Sondaı-aq, 275 turǵyn úı basqarýdyń JS júıesine kóshti. MIB qurý boıynsha qosymsha 33 kópqabatty turǵyn úıdiń kelisim hattamasy jınaqtalýda.
Ánýar JUMAShBAEV
