بەلگىلى كاسىپكەر سەرىك ءتولباسوۆتىڭ قورى مايلىقوجا كوشەسى №17 كوپقاباتتى ءۇيدىڭ تۇرعىندارىنا جاڭا سپورتتىق الاڭشاسىن تارتۋ ەتتى. مۇندا ازاماتتاردىڭ سپورتپەن اينالىسۋى ءۇشىن ۇزىندىعى 24 مەتر، ەنى 12 مەتر بولاتىن كوپفۋنكتسيونالدى سپورت الاڭى سالىنعان. ودان بولەك، مۇندا سپورتتىق قۇرىلعىلار ورناتىلعان workout ايماعى دا قاراستىرىلعان. ەندى اۋلا تۇرعىندارى جىل ون ەكى اي وسى الاڭقايلاردا دەنە جاتتىعۋلارىمەن اينالىسا الادى.
سالتاناتتى جيىنعا قاتىسقان قالا اكىمىنىڭ ورىنباسارى ماقسۇت يساحوۆ، سونداي-اق سەرىك ءتولباسوۆ قورىنىڭ ديرەكتورى زۋحرا ورازوۆا، TS DEVELOPMENT زاڭ ماسەلەلەرى جونىندەگى ديرەكتورى باۋىرجان سەرالين تۇرعىندار مەن جاس سپورتشىلاردى جاڭا نىساننىڭ اشىلۋىمەن قۇتتىقتاپ، ساتتىلىك تىلەدى.
– تاۋەلسىزدىكتىڭ 30 جىلدىعىنا وراي مەملەكەت باسشىسىنىڭ بۇقارالىق سپورتتى دامىتۋ، بالالارعا سپورتتىق ينفراقۇرىلىمنىڭ بارىنشا قولجەتىمدى بولۋىن قامتاماسىز ەتۋ تاپسىرماسىنا سايكەس، قالادا كوپتەگەن سپورت نىساندارى اشىلىپ، تۇرعىندار يگىلىگىنە بەرىلۋدە. بۇل باعىتتا مەملەكەتتىك-جەكەشەلىك ارىپتەستىك اياسىندا دا بىرقاتار شاعىناۋدانداردا سپورت كلۋبتارى جۇمىس ىستەۋدە. بۇگىنگى كۇنى بۇقارالىق سپورتتى دامىتۋ، سالاۋاتتى ءومىر سالتىن ناسيحاتتاۋ ماقساتىندا قالادا 115 سپورت الاڭشاسىن سالۋ جوسپارلانعان. ونىڭ ىشىندە 15 سپورتتىق نىسان دەمەۋشىلەر ەسەبىنەن بوي كوتەرەدى. سەرىك ءتولباسوۆ قورىنا ايتار العىسىم شەكسىز، - دەدى ماقسۇت پەرنەبايۇلى.
ءوز كەزەگىندە تۇرعىندار بالالاردىڭ ۋاقىتىن ءتيىمدى ءارى قاۋىپسىز وتكىزۋگە سەبەپ بولارلىق وسىنداي نىساندى سالىپ بەرگەندەرى ءۇشىن دەمەۋشىلەرگە العىس ايتىپ، ريزاشىلىعىن جەتكىزدى. ال، جيىنعا قاتىسقان بالالارعا سىيلىقتار ۇلەستىرىلدى.
ا. جادىگەرۇلى
