52 جاستاعى قالا تۇرعىنى قۇرمانعالي ورازباەۆ 11 قىركۇيەك كۇنى وتە اۋىر حالدە شىمكەنت قالالىق جۇقپالى اۋرۋلار اۋرۋحاناسىنا جەدەل جاردەم قىزمەتىمەن جەتكىزىلگەن. ناۋقاستىڭ جاعدايى اۋىر بولعاندىقتان، دارىگەرلەر ونى بىردەن جانساقتاۋ بولىمىنە جاتقىزادى.
52 جاستاعى ازاماتتان كوروناۆيرۋس ينفەكتسياسى انىقتالىپ، وكپەسىنىڭ 96 پايىزى زاقىمدالعانى بەلگىلى بولدى. بۇعان قوسا ناۋقاس وزدىگىنەن دەمالا الماعاندىقتان، جاساندى تىنىس الۋ اپپاراتىنا قوسىلعان. دارىگەرلەر حاتتاما بويىنشا تولىق ەم كورسەتىپ، انتيكواگۋليانتتى جانە انتيباكتەريلدىق تەراپيا بويىنشا كومەك كورسەتكەن.
ون كۇننەن اسا جانساقتاۋ بولىمىندە ەم العان ناۋقاستى دارىگەرلەر جاعدايى جاقسارعان سوڭ بولىمشەگە اۋىستىرعان. ناۋقاستىڭ قازىرگى جاعدايى جاقسى. وزدىگىمەن تىنىس الۋدا. تىنىس الۋ جيىلىگى جاقسارعان دەيدى دارىگەرلەر.
جازىلىپ شىققان ەر ازامات «جامان اۋرۋعا شالدىعىپ، اۋىر حالدە اۋرۋحاناعا ءتۇستىم. مەنىڭ ءومىرىم ءۇشىن اۋرۋحانانىڭ باس دارىگەرىنەن باستاپ، بارلىق مەديتسينا قىزمەتكەرلەرى بارىنشا كۇرەستى» - دەپ اق حالاتتى ابزال جاندارعا العىسىن ءبىلدىردى.
دەنساۋلىعى جاقسارعان ازاماتتى دارىگەرلەر بۇگىن ۇيىنە شىعاردى.
