52 jastaǵy qala turǵyny Qurmanǵalı Orazbaev 11 qyrkúıek kúni óte aýyr hálde Shymkent qalalyq juqpaly aýrýlar aýrýhanasyna jedel járdem qyzmetimen jetkizilgen. Naýqastyń jaǵdaıy aýyr bolǵandyqtan, dárigerler ony birden jansaqtaý bólimine jatqyzady.
52 jastaǵy azamattan koronavırýs ınfekııasy anyqtalyp, ókpesiniń 96 paıyzy zaqymdalǵany belgili boldy. Buǵan qosa naýqas ózdiginen demala almaǵandyqtan, jasandy tynys alý apparatyna qosylǵan. Dárigerler hattama boıynsha tolyq em kórsetip, antıkoagýlıantty jáne antıbakterıldyq terapııa boıynsha kómek kórsetken.
On kúnnen asa jansaqtaý bóliminde em alǵan naýqasty dárigerler jaǵdaıy jaqsarǵan soń bólimshege aýystyrǵan. Naýqastyń qazirgi jaǵdaıy jaqsy. Ózdigimen tynys alýda. Tynys alý jıiligi jaqsarǵan deıdi dárigerler.
Jazylyp shyqqan er azamat «jaman aýrýǵa shaldyǵyp, aýyr halde aýrýhanaǵa tústim. Meniń ómirim úshin aýrýhananyń bas dárigerinen bastap, barlyq medıına qyzmetkerleri barynsha kúresti» - dep aq halatty abzal jandarǵa alǵysyn bildirdi.
Densaýlyǵy jaqsarǵan azamatty dárigerler búgin úıine shyǵardy.
