قالا اكىمىنىڭ تاپسىرماسىنا سايكەس، اۋدان اۋماقتارىندا ساناقتى جۇيەلى ۇيىمداستىرۋ جۇمىستارى جۇرگىزىلۋدە.
ءال-فارابي اۋدانىنىڭ اكىمى ر.مىڭباەۆ اۋدانداعى ونلاين ساناق وتەتىن ورىنداردىڭ ءبىرى - ءال-فارابي اۋداندىق حالىققا قىزمەت كورسەتۋ ورتالىعىندا جانە جانگەلدين كوشەسىندەگى كوپقاباتتى ءۇيدىڭ تۇرعىندارىنا ساناق تۋرالى ءتۇسىندىرۋ جۇمىستارىن جۇرگىزدى.
حالىق ساناعى 1-15 قازان ارالىعىندا «ونلاين» فورماتتا، 1-30 قازان ارالىعىندا ءداستۇرلى تۇردە وتكىزىلەدى. بۇگىندە «ونلاين» ساناقتان وتۋگە اۋداندا ادام كوپ شوعىرلاناتىن 10 نۇكتە («قازپوچتا» اق، شىمكەنت تەمىر جول ۆوكزالى، «ەنەرگوپوتوك» جشس، «Shymkent Plaza»، «يمران»، «مEGA PLANET» ساۋدا ۇيلەرى، «قىرعى بازار»، «اكبار» بازارى، «قازاقتەلەكوم»، ءال-فارابي اۋداندىق حالىققا قىزمەت كورسەتۋ ورتالىعى) قاراستىرىلىپ، ءوز-وزىنە قىزمەت كورسەتۋ بۇرىشتارى ۇيىمداستىرىلدى.
وندا ساناقشىلار تۇرعىندارعا حالىق ساناعى جايلى تولىق اقپارات بەرىپ، ازاماتتارعا ارنايى سىلتەمە ارقىلى ساناققا ونلاين قاتىسۋدىڭ تاسىلدەرىن تۇسىندىرۋدە. شامامەن كۇنىنە 500-700 ادامدار تىركەلۋدە.
ودان بولەك، تۇرعىنداردىڭ ۇلتتىق ساناققا دەگەن بەلسەندىلىگىن ارتتىرۋ ماقساتىندا اۋدان اۋماعىندا دىبىستىق حابارلاما ۇيىمداستىرىلدى. ارنايى كولىك دابىل دىبىسىمەن ازاماتتاردى ساناقتان وتۋگە شاقىرۋدا. مۇنداي شارا ۇلتتىق ساناق اياقتالعانعا دەيىن جالعاسادى.
