Qala ákiminiń tapsyrmasyna sáıkes, aýdan aýmaqtarynda sanaqty júıeli uıymdastyrý jumystary júrgizilýde.
Ál-Farabı aýdanynyń ákimi R.Myńbaev aýdandaǵy onlaın sanaq ótetin oryndardyń biri - Ál-Farabı aýdandyq halyqqa qyzmet kórsetý ortalyǵynda jáne Jangeldın kóshesindegi kópqabatty úıdiń turǵyndaryna sanaq týraly túsindirý jumystaryn júrgizdi.
Halyq sanaǵy 1-15 qazan aralyǵynda «onlaın» formatta, 1-30 qazan aralyǵynda dástúrli túrde ótkiziledi. Búginde «onlaın» sanaqtan ótýge aýdanda adam kóp shoǵyrlanatyn 10 núkte («Qazpochta» AQ, Shymkent temir jol vokzaly, «Energopotok» JShS, «Shymkent Plaza», «Imran», «MEGA PLANET» saýda úıleri, «Qyrǵy bazar», «Akbar» bazary, «Qazaqtelekom», Ál-Farabı aýdandyq halyqqa qyzmet kórsetý ortalyǵy) qarastyrylyp, óz-ózine qyzmet kórsetý buryshtary uıymdastyryldy.
Onda sanaqshylar turǵyndarǵa halyq sanaǵy jaıly tolyq aqparat berip, azamattarǵa arnaıy silteme arqyly sanaqqa onlaın qatysýdyń tásilderin túsindirýde. Shamamen kúnine 500-700 adamdar tirkelýde.
Odan bólek, turǵyndardyń ulttyq sanaqqa degen belsendiligin arttyrý maqsatynda aýdan aýmaǵynda dybystyq habarlama uıymdastyryldy. Arnaıy kólik dabyl dybysymen azamattardy sanaqtan ótýge shaqyrýda. Mundaı shara Ulttyq sanaq aıaqtalǵanǵa deıin jalǵasady.
