شىمكەنت قالاسىنىڭ ءدىن ىستەرى باسقارماسى جانە سارىن قوعامدىق قايىرىمدىلىق قورىنىڭ ۇيىمداستىرۋىمەن قر تاۋەلسىزدىگىنىڭ 30 جىلدىعى جانە «18 قازان – رۋحاني كەلىسىم كۇنىنە» وراي ءدىني كونفەسسيا وكىلدەرى اراسىندا سپارتاكيادا باستالدى.
شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان، قمدب-نىڭ شىمكەنت قالاسى بويىنشا وكىل يمامى باقداۋلەت ءابدىراحمانوۆ سايىستىڭ سالتاناتتى اشىلۋ راسىمىنە قاتىسىپ، كوماندالارعا ساتتىلىك تىلەدى.
شىڭعىس جۇمابەكۇلى سپورت باسەكەسى ارقىلى ءتۇرلى ءدىني كونفەسسيا وكىلدەرى اراسىندا كەلىسىم مەن ءوزارا قۇرمەت بەكەمدەلە تۇسەتىنىن اتاپ ءوتتى.
«الامان» سپورت كەشەنىندەگى سايىسقا قالاداعى ءدىني بىرلەستىكتەردەن جانە باسقارمادان 10 كوماندا قاتىسۋدا. اتاپ ايتقاندا، فۋتبول، ۇستەل تەننيسى جانە شاحمات بويىنشا تارتىستى باسەكەلەر وتەدى.
22 قىركۇيەك پەن 15 قازان ارالىعىندا ىرىكتەۋ ءتۋرنيرى وتسە، 15 قازان كۇنى فينالدىق سايىستار ۇيىمداستىرىلادى. 18 قازان كۇنى جەڭىمپازدار مەن جۇلدەگەرلەر ماراپاتتالادى.
بارلىق قاتىسۋشىلار ۇيىمداستىرۋشىلار اتىنان العىس حاتقا يە بولىپ، جەڭىمپازدارعا قۇندى سىيلىقتار مەن كۋبوك تابىستالادى. جارىس تولىقتاي مەديتسينالىق قىزمەتكەردىڭ قاتىسۋىمەن جانە كارانتيندىك ساقتىق شارالارىن ساقتاي وتىرىپ، وتكىزىلەدى.
