Shymkent qalasynyń Din isteri basqarmasy jáne Saryn Qoǵamdyq Qaıyrymdylyq Qorynyń uıymdastyrýymen QR Táýelsizdiginiń 30 jyldyǵy jáne «18 qazan – Rýhanı kelisim kúnine» oraı dinı konfessııa ókilderi arasynda Spartakıada bastaldy.
Shymkent qalasy ákiminiń birinshi orynbasary Shyńǵys Muqan, QMDB-nyń Shymkent qalasy boıynsha ókil ımamy Baqdáýlet Ábdirahmanov saıystyń saltanatty ashylý rásimine qatysyp, komandalarǵa sáttilik tiledi.
Shyńǵys Jumabekuly sport básekesi arqyly túrli dinı konfessııa ókilderi arasynda kelisim men ózara qurmet bekemdele túsetinin atap ótti.
«Alaman» sport keshenindegi saıysqa qaladaǵy dinı birlestikterden jáne basqarmadan 10 komanda qatysýda. Atap aıtqanda, fýtbol, ústel tennısi jáne shahmat boıynsha tartysty básekeler ótedi.
22 qyrkúıek pen 15 qazan aralyǵynda irikteý týrnıri ótse, 15 qazan kúni fınaldyq saıystar uıymdastyrylady. 18 qazan kúni jeńimpazdar men júldegerler marapattalady.
Barlyq qatysýshylar uıymdastyrýshylar atynan Alǵys hatqa ıe bolyp, jeńimpazdarǵa qundy syılyqtar men kýbok tabystalady. Jarys tolyqtaı medıınalyq qyzmetkerdiń qatysýymen jáne karantındik saqtyq sharalaryn saqtaı otyryp, ótkiziledi.
