الەمدىك سايىسقا دۇنيەجۇزىنىڭ 18 ەلىنەن 9 ەرلەر جانە 5 ايەلدەر كومانداسى قاتىستى.
5 قىركۇيەك كۇنى ءورت ءسوندىرۋ-قۇتقارۋ سپورتى بويىنشا الەم چەمپيوناتى اياسىندا جارىستىڭ سوڭعى كەزەڭى وتكەن بولاتىن. كوماندالار جاۋىنگەرلىك ءورت ءسوندىرۋ ارەكەتتەرىن تولىق قۇراممەن ورىنداۋ جاتتىعۋى بويىنشا باق سىنادى. ءورت ءسوندىرۋ-قۇتقارۋ سپورتىنىڭ بۇل كوماندالىق ءتۇرى ءورت سوندىرۋشىلەردىڭ ءىس-قيمىلدارىنىڭ ەپتىلىگىن كورسەتەدى.
قر ەرلەر قۇراما كومانداسى 25,55 سەكۋند ناتيجەسىمەن 1 ورىندى يەلەنىپ، جالپى كوماندالىق ەسەپتە 4 ورىنعا جايعاستى. قر قۇراماسىنىڭ ساپىندا شىمكەنت قالاسى توتەنشە جاعدايلار دەپارتامەنتىنىڭ سپورتشىسى، جاۋىنگەرلىك قانات جايۋدان ءۇش دۇركىن الەم چەمپيونى ۆاحيدجان قازاقباەۆ ونەر كورسەتتى.
ۆاحيدجان قازاقباەۆ – حالىقارالىق دارەجەدەگى سپورت شەبەرى. جاۋىنگەرلىك قانات جايۋدان 3 دۇركىن الەم چەمپيونى. 2011 جىلدان باستاپ ءورت ءسوندىرۋ-قۇتقارۋ سپورتىمەن اينالىسادى.
قازاقستان رەسپۋبليكاسىنىڭ ۇلتتىق قۇراماسى ساپىندا 2014 جىلدان بەرى ونەر كورسەتۋدە. قر چەمپيوناتتارىنىڭ جەكە تۇرلەرى بويىنشا جەڭىمپازى جانە جۇلدەگەرى.
وقۋ مۇناراسىنىڭ 4-ءشى قاباتىنىڭ تەرەزەسىنە شابۋىل ساتىسىمەن كوتەرىلۋ جانە 100 مەترگە كەدەرگىلەرى بار جولاقتان ءوتۋ، سونداي-اق كوماندالىق تۇرلەردە 4ح100 م ءورت ەستافەتاسى جانە جاۋىنگەرلىك قانات جايۋ. حالىقارالىق جارىستار مەن الەم چەمپيوناتتارىنىڭ قاتىسۋشىسى.
