Álemdik saıysqa dúnıejúziniń 18 elinen 9 erler jáne 5 áıelder komandasy qatysty.
5 qyrkúıek kúni órt sóndirý-qutqarý sporty boıynsha álem chempıonaty aıasynda jarystyń sońǵy kezeńi ótken bolatyn. Komandalar jaýyngerlik órt sóndirý áreketterin tolyq qurammen oryndaý jattyǵýy boıynsha baq synady. Órt sóndirý-qutqarý sportynyń bul komandalyq túri órt sóndirýshilerdiń is-qımyldarynyń eptiligin kórsetedi.
QR erler qurama komandasy 25,55 sekýnd nátıjesimen 1 oryndy ıelenip, jalpy komandalyq esepte 4 orynǵa jaıǵasty. QR quramasynyń sapynda Shymkent qalasy Tótenshe jaǵdaılar departamentiniń sportshysy, jaýyngerlik qanat jaıýdan úsh dúrkin álem chempıony Vahıdjan Qazaqbaev óner kórsetti.
Vahıdjan Qazaqbaev – halyqaralyq dárejedegi sport sheberi. Jaýyngerlik qanat jaıýdan 3 dúrkin álem chempıony. 2011 jyldan bastap órt sóndirý-qutqarý sportymen aınalysady.
Qazaqstan Respýblıkasynyń ulttyq quramasy sapynda 2014 jyldan beri óner kórsetýde. QR chempıonattarynyń jeke túrleri boıynsha jeńimpazy jáne júldegeri.
Oqý munarasynyń 4-shi qabatynyń terezesine shabýyl satysymen kóterilý jáne 100 metrge kedergileri bar jolaqtan ótý, sondaı-aq komandalyq túrlerde 4h100 m órt estafetasy jáne jaýyngerlik qanat jaıý. Halyqaralyq jarystar men álem chempıonattarynyń qatysýshysy.
