Neuralink كومپانياسىنىڭ نەگىزىن قالاۋشى يلون ماسك ەكسپەريمەنتالدى مايمىلدارعا نەيروچيپتەردى يمپلانتاتسيالاۋدىڭ ءساتتى وتكەنىن، جاڭا جىلدان باستاپ ادامعا چيپ ورناتاتىنىن ايتتى دەپ حابارلايدى "ادىرنا" ۇلتتىق پورتالى.
ماسكتىڭ ايتۋىنشا، يمپلانتانتتار ءبىرىنشى بولىپ ومىرتقانىڭ اۋىر اۋرۋلارىمەن اۋىراتىندارعا سالىنادى. Neuralink قازىر اقش دەنساۋلىق ساقتاۋ جانە حالىققا قىزمەت كورسەتۋ دەپارتامەنتىنىڭ اگەنتتىگىنىڭ تەستىلەۋگە رۇقساتىن كۇتۋدە.
يلون ماسك ادامداردا نەيروچيپتەردى سىناقتان وتكىزۋدى ەكى رەت كەيىنگە قالدىردى. بۇعان كوروناۆيرۋس پاندەمياسى ۇلكەن اسەر ەتتى. الايدا 2022 جىلى كومپانيا ادامداردى چيپتەۋدى باستاسا، ولار ءۇشىن بۇل ۇلكەن جەتىستىك بولماق.
Forbes جۋرنالىنىڭ مالىمەتى بويىنشا، يلون ماسك پلانەتاداعى ەڭ باي ادامدار تىزىمىندە تۇر، ونىڭ بايلىعى 292,6 ميلليارد دوللاردان اسادى. ال اكتيۆتەرىنىڭ جالپى قۇنى — 311 ميلليارد دوللار.
"ادىرنا" ۇلتتىق پورتالى
