Neuralink kompanııasynyń negizin qalaýshy Ilon Mask eksperımentaldy maımyldarǵa neırochıpterdi ımplantaııalaýdyń sátti ótkenin, jańa jyldan bastap adamǵa chıp ornatatynyn aıtty dep habarlaıdy "Adyrna" ulttyq portaly.
Masktiń aıtýynsha, ımplantanttar birinshi bolyp omyrtqanyń aýyr aýrýlarymen aýyratyndarǵa salynady. Neuralink qazir AQSh densaýlyq saqtaý jáne halyqqa qyzmet kórsetý departamentiniń agenttiginiń testileýge ruqsatyn kútýde.
Ilon Mask adamdarda neırochıpterdi synaqtan ótkizýdi eki ret keıinge qaldyrdy. Buǵan koronavırýs pandemııasy úlken áser etti. Alaıda 2022 jyly kompanııa adamdardy chıpteýdi bastasa, olar úshin bul úlken jetistik bolmaq.
Forbes jýrnalynyń málimeti boıynsha, Ilon Mask planetadaǵy eń baı adamdar tiziminde tur, onyń baılyǵy 292,6 mıllıard dollardan asady. Al aktıvteriniń jalpy quny — 311 mıllıard dollar.
"Adyrna" ulttyq portaly
