شىمكەنت: وتباسى كۇنى قارساڭىندا قالالىق تۇرعىن پرەزيدەنت سىيلىعىن جەڭىپ الدى

173

بيىل وتباسى كۇنى مەرەكەسى اليەۆتەر شاڭىراعى ءۇشىن ەرەكشە اتالىپ ءوتتى. شىمكەنتتە وتكەن «مەرەيلى وتباسى» بايقاۋىنىڭ جەڭىمپازىنا پرەزيدەنت سىيلىعى تابىستالدى.

قالا اكىمى مۇرات ايتەنوۆ اليەۆتەر وتباسىنا پرەزيدەنتتىڭ اتىنان قارجىلاي سەرتيفيكات پەن ديپلومدى سالتاناتتى تۇردە تابىستاپ، تۋعان شاڭىراقتان العان تاربيە – بۇل بارشا حالقىمىزدىڭ تابىستى بولاشاعىنىڭ كەپىلى ەكەنىن ايتتى.

جەڭىمپاز وتباسى اليەۆ باچاك ماحانبەتۇلى – ىشكى ىستەر سالاسىنىڭ قۇرمەتتى ارداگەرى، زەينەتكەر. «ابو» تۇرىك وتباسىلىق ءانسامبلىنىڭ جەتەكشىسى. قحا «بىرلىك» مەدالىنىڭ يەگەرى، اۋىر اتلەتيكادان «سپورت شەبەرى»، «پوليتسيا ۇزدىگى» ءتوس بەلگىسىنىڭ يەگەرى. جۇبايى اليەۆا شايزار قاسىمقىزى – زەينەتكەر. اليەۆتەردىڭ وتباسى قۇرعانىنا – 52 جىل. ءۇش بالاسى، ون نەمەرەسى، 14 شوبەرەسى بار. ۇلدارى جەكە كاسىپپەن اينالىسادى.

نەمەرەلەرى نۇرسۇلتان، ەلسۇلتان جانە بەكسۇلتان ۇلتتىق اسپاپتاردىڭ شەبەر ورىنداۋشىلارى. بۇگىندە 3 ۇرپاقتان تاراعان 5 وتباسى ءبىر شاڭىراقتىڭ استىندا تاتۋ-ءتاتتى ءومىر سۇرۋدە.

ۇل-قىزدارى مەن نەمەرەلەرى قازاق تىلىندە ءبىلىم الىپ، ۇلتتىق داستۇرلەردى قۇرمەتتەپ، ۇستانىپ كەلەدى. قازاقتاي دارحان ەلدىڭ كەڭدىگىن كورىپ وسكەن وتباسىنىڭ ۇلكەنى ب.اليەۆ پەرزەنتتەرىن تۋىپ وسكەن جەرىنە ايانباي قىزمەت ەتۋگە تاربيەلەپ كەلەدى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket