Bıyl Otbasy kúni merekesi Álıevter shańyraǵy úshin erekshe atalyp ótti. Shymkentte ótken «Mereıli otbasy» baıqaýynyń jeńimpazyna Prezıdent syılyǵy tabystaldy.
Qala ákimi Murat Áıtenov Álıevter otbasyna Prezıdenttiń atynan qarjylaı sertıfıkat pen dıplomdy saltanatty túrde tabystap, týǵan shańyraqtan alǵan tárbıe – bul barsha halqymyzdyń tabysty bolashaǵynyń kepili ekenin aıtty.
Jeńimpaz otbasy Alıev Bachak Mahanbetuly – ishki ister salasynyń qurmetti ardageri, zeınetker. «ABO» túrik otbasylyq ansambliniń jetekshisi. QHA «Birlik» medaliniń ıegeri, aýyr atletıkadan «Sport sheberi», «Polıııa úzdigi» tós belgisiniń ıegeri. Jubaıy Alıeva Shaızar Qasymqyzy – zeınetker. Álıevterdiń otbasy qurǵanyna – 52 jyl. Úsh balasy, on nemeresi, 14 shóberesi bar. Uldary jeke kásippen aınalysady.
Nemereleri Nursultan, Elsultan jáne Beksultan ulttyq aspaptardyń sheber oryndaýshylary. Búginde 3 urpaqtan taraǵan 5 otbasy bir shańyraqtyń astynda tatý-tátti ómir súrýde.
Ul-qyzdary men nemereleri qazaq tilinde bilim alyp, ulttyq dástúrlerdi qurmettep, ustanyp keledi. Qazaqtaı darhan eldiń keńdigin kórip ósken otbasynyń úlkeni B.Alıev perzentterin týyp ósken jerine aıanbaı qyzmet etýge tárbıelep keledi.
