شىمكەنتتە #Baskazhol بوكس كلۋبى اشىلدى

768
Adyrna.kz Telegram

شىمشاھار ۆوركاۋتشىلارى جاڭا بوكس كلۋبىن اشتى. #Baskazhol سپورت كلۋبىنىڭ سالتاناتتى ءراسىمى تانىمال سپورتشىلاردىڭ قاتىسۋىمەن ءوتتى.

قالامىزعا بەلگىلى جاس، سپورت شەبەرى الەكساندر ۆودولاتسكيدىڭ باستاماسىمەن #Baskazhol ۆوركاۋتشىلار قوزعالىسىنىڭ ەكىنشى كلۋبى ءوز جۇمىسىن باستادى. كاسىبي بوكسشىلار دايارلايتىن ورىندا شىمكەنتتىكتەر مۋاي-تاي، فيتنەس بوكسىن مەڭگەرىپ، جاتتىقتىرۋشىلارمەن بىرگە كاسىبي تۇردە ۆوركاۋت، كروسسفيت سپورتىمەن شۇعىلدانادى.
بۇل كۇنى بەلگىلى سپورتشىلار ارمان وسپانوۆ، ءبىرجان جاقىپوۆتار جاڭا كلۋبتىڭ اشىلۋىمەن قۇتتىقتاسا، شىمكەنت قالاسى بويىنشا وتباسى، بالالار جانە جاستار ىستەرى جونىندەگى باسقارماسى باسشىسىنىڭ مىندەتىن اتقارۋشى جاندوس قالتاەۆ جاس ورەندەرگە ساتتىلىك تىلەدى.
-ەلباسىنىڭ بۇقارالىق سپورتقا كوڭىل ءبولىنسىن دەگەن تاپسىرماسىن ءوز قاراجاتىمەن جۇزەگە اسىرىپ جۇرگەن جاس سپورتشىلارعا العىس ايتامىز. جىگىتتەر جاڭادان كلۋب اشىپ قانا قويماي، بۇرىنىنان وسى سالاعا ەڭبەگى ءسىڭىپ جۇرگەن، ءبىراز جاستاردىڭ باپتاۋشىسى بولعان جاتتىقتىرۋشى سەرىك اقاشەۆ، كەيىنگى تولقىننان بەلگىلى سپورتشىلاردان ارمان وسپانوۆ، ءبىرجان جاقىپوۆتاردى جيىنعا شاقىرىپ وتىر. ياعني، وسىنداي ونەگەلى ىسىنەن-اق جاڭا ورىندا جاتتىعاتىن شاكىرتتەر اعالار جولىن قۋىپ، چەمپيون اتانار دەگەن ويدامىز. ال باسقارما تاراپىنان الداعى ۋاقىتتا از قامتىلعان وتباسىلار، جەتىم تۇل جەتىمدەرگە وسىنداي كلۋبتارعا تەگىن جولداما بەرىپ، الەۋمەتتىك جوبالار قۇرماقپىز. جاستار تەك جاتتىعۋمەن شەكتەلمەيدى، جولداستىق كەزدەسۋلەر مەن تاجىريبە بولىسۋگە ارنالعان جيىندار دا ۇيىمداستىرۋعا ءازىرمىز، – دەدى جاندوس تولەمبەكۇلى.
سالتاناتتى جيىن بارىسىندا شاكىرتتەر بەلگىلى سپورت شەبەرلەرىنىڭ الدىندا ونەر كورسەتسە، قوناق سپورتشىلار شەبەرلىك ساعاتىن وتكىزدى.

پىكىرلەر