Shymshahar vorkaýtshylary jańa boks klýbyn ashty. #Baskazhol sport klýbynyń saltanatty rásimi tanymal sportshylardyń qatysýymen ótti.
Qalamyzǵa belgili jas, sport sheberi Aleksandr Vodolakııdiń bastamasymen #Baskazhol vorkaýtshylar qozǵalysynyń ekinshi klýby óz jumysyn bastady. Kásibı boksshylar daıarlaıtyn orynda shymkenttikter mýaı-taı, fıtnes boksyn meńgerip, jattyqtyrýshylarmen birge kásibı túrde vorkaýt, krossfıt sportymen shuǵyldanady.
Bul kúni belgili sportshylar Arman Ospanov, Birjan Jaqypovtar jańa klýbtyń ashylýymen quttyqtasa, Shymkent qalasy boıynsha otbasy, balalar jáne jastar isteri jónindegi basqarmasy basshysynyń mindetin atqarýshy Jandos Qaltaev jas órenderge sáttilik tiledi.
-Elbasynyń buqaralyq sportqa kóńil bólinsin degen tapsyrmasyn óz qarajatymen júzege asyryp júrgen jas sportshylarǵa alǵys aıtamyz. Jigitter jańadan klýb ashyp qana qoımaı, burynynan osy salaǵa eńbegi sińip júrgen, biraz jastardyń baptaýshysy bolǵan jattyqtyrýshy Serik Aqashev, keıingi tolqynnan belgili sportshylardan Arman Ospanov, Birjan Jaqypovtardy jıynǵa shaqyryp otyr. Iaǵnı, osyndaı ónegeli isinen-aq jańa orynda jattyǵatyn shákirtter aǵalar jolyn qýyp, chempıon atanar degen oıdamyz. Al basqarma tarapynan aldaǵy ýaqytta az qamtylǵan otbasylar, jetim tul jetimderge osyndaı klýbtarǵa tegin joldama berip, áleýmettik jobalar qurmaqpyz. Jastar tek jattyǵýmen shektelmeıdi, joldastyq kezdesýler men tájirıbe bólisýge arnalǵan jıyndar da uıymdastyrýǵa ázirmiz, – dedi Jandos Tólembekuly.
Saltanatty jıyn barysynda shákirtter belgili sport sheberleriniń aldynda óner kórsetse, qonaq sportshylar sheberlik saǵatyn ótkizdi.
