قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆ پەن ءبىلىم باسقارماسىنىڭ باسشىسى جانات تاجيەۆانىڭ قاتىسۋىمەن بالالار ۆاكتسيناتسياسى جانە ءبىلىم بەرۋ ماسەلەلەرى بويىنشا ارنايى بريفينگ ۇيىمداستىرىلدى.
شاھاردىڭ باس دارىگەرى قالادا كوروناۆيرۋسقا قارسى ەكپە ەگۋ جۇمىستارى 18 جاستان جوعارى ازاماتتارعا جۇرگىزىلىپ جاتقانىن جەتكىزدى.
– جىل سايىن 300 مىڭنان استام قالا تۇرعىنى تۇماۋعا قارسى ەكپە سالدىرادى. ونىڭ باسىم بولىگى بالالار. بيىل ديفتەريا، كوكجوتەل، سىرەسپە، پوليوميەليت، قىزامىق، ەپيدەميالىق پاروتيت اۋرۋلارى تىركەلگەن جوق. وتكەن جىلدىڭ سايكەس كەزەڭىمەن سالىستىرعاندا قىزىلشامەن سىرقاتتانۋشىلىقتىڭ 2,9 ەسەگە تومەندەگەنى بايقالادى. قازىرگى ۋاقىتتا 1-سىنىپ وقۋشىلارىنا ءبىلىم بەرۋ مەكەمەلەرىندە مانتۋ سىناماسىن جۇرگىزۋ باستالدى. ودان كەيىن بتسج تۋبەركۋلەزگە قارسى ۆاكتسيناتسيالاۋ جۇمىستارى جۇرگىزىلەدى، - دەيدى باقىتجان جولداسبەكۇلى.
ال جيىندا قالالىق ءبىلىم باسقارماسىنىڭ باسشىسى جانات تاجيەۆا مەكتەپتەردە ەكپە ەگۋ، ديزينفەكتسيا جۇرگىزۋ جۇمىستارىنا قاتىستى جالعان اقپاراتتارعا سەنبەۋگە شاقىردى. قالاداعى 202 مەكتەپتە 223 مىڭ وقۋشى شتاتتىق رەجيمدە ءبىلىم الۋدا. ال 11 وقۋشىنىڭ اتا-اناسى ونلاين فورماتتا وقۋعا ءوتىنىم بەرگەن. كۆي جۇقتىرعاندارمەن بايلانىستا بولعان 25 بالا
14 كۇنگە وقشاۋلانعان.
