Qalalyq densaulyq saqtau basqarmasynyŋ basşysy Baqytjan Pozilov pen bılım basqarmasynyŋ basşysy Janat Täjievanyŋ qatysuymen balalar vaksinasiiasy jäne bılım beru mäselelerı boiynşa arnaiy brifing ūiymdastyryldy.
Şahardyŋ bas därıgerı qalada koronavirusqa qarsy ekpe egu jūmystary 18 jastan joǧary azamattarǧa jürgızılıp jatqanyn jetkızdı.
– Jyl saiyn 300 myŋnan astam qala tūrǧyny tūmauǧa qarsy ekpe saldyrady. Onyŋ basym bölıgı balalar. Biyl difteriia, kökjötel, sırespe, poliomielit, qyzamyq, epidemiialyq parotit aurulary tırkelgen joq. Ötken jyldyŋ säikes kezeŋımen salystyrǧanda qyzylşamen syrqattanuşylyqtyŋ 2,9 esege tömendegenı baiqalady. Qazırgı uaqytta 1-synyp oquşylaryna bılım beru mekemelerınde mantu synamasyn jürgızu bastaldy. Odan keiın BSJ tuberkulezge qarsy vaksinasiialau jūmystary jürgızıledı, - deidı Baqytjan Joldasbekūly.
Al jiynda qalalyq bılım basqarmasynyŋ basşysy Janat Täjieva mektepterde ekpe egu, dizinfeksiia jürgızu jūmystaryna qatysty jalǧan aqparattarǧa senbeuge şaqyrdy. Qaladaǧy 202 mektepte 223 myŋ oquşy ştattyq rejimde bılım aluda. Al 11 oquşynyŋ ata-anasy onlain formatta oquǧa ötınım bergen. KVİ jūqtyrǧandarmen bailanysta bolǧan 25 bala
14 künge oqşaulanǧan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz