بۇگىن شىمكەنت قالاسى قاراتاۋ ءاۋدانىنىڭ اكىمى ابزال الىقۇلوۆ «Instagram» پاراقشاسىندا وتكەن تىكەلەي ەفيردە جىل باسىنان بەرى اتقارىلعان جۇمىستاردى باياندادى. اۋدان اكىمى ينفراقۇرىلىممەن قامتۋ تۋرالى ايتتى.
اۋدان اۋماعىندا 24 شاعىناۋدان مەن ەلدى مەكەن ورنالاسقان. ونداعى نەگىزگى وزەكتى ماسەلەنىڭ ءبىرى – ينفراقۇرىلىم. بۇگىندە 7 ەلدى مەكەن اۋىز سۋمەن، 7 ەلدى مەكەن ەلەكتر جارىعى، 2 ەلدى مەكەن تابيعي گازبەن قامتىلماعان.
ا.الىقۇلوۆ ءوز بايانداماسىندا بيىل تاسساي، تۇران، دوستىق، ازات، اسار-2, ش/ا مەن دوستىق تۇرعىن الابىندا ساپالى سۋ تارتۋ ءۇشىن قۇرىلىستىڭ اياقتالعانىن جانە بۇگىندە ابونەنتتەۋ جۇمىسى جۇرگىزىلىپ جاتقانىن ايتتى. نۇرتاس ش/ا قۇرىلىس 2022 جىلعا وتپەلى. ال، قاينار بۇلاق تۇرعىن الابىندا جوبالاۋ جۇمىسى جاسالىنۋدا.
ەلەكتر قۋاتىمەن قامتۋدا بىرقاتار جۇمىستار اتقارىلعان. تۇران، تاسساي، دوستىق، اسار-2 ش/ا قۇرىلىس اياقتالعان. قاينار بۇلاق تۇرعىن الابىنا ەلەكتر قۋاتىن جەتكىزۋ كەلەر جىلعا وتپەلى. قۇرىلىسى اياقتالعان ەلدى مەكەندەرگە جارىق بەرىلسە قامتۋ كورسەتكىشى 93 % قۇرايدى، ال 2022 جىلى 100 پايىزعا جەتپەك.
اۋدان حالقىنىڭ 72,8% تابيعي گازبەن قامتىلعان. بيىل قاينار بۇلاق تۇرعىن الابى ءۇشىن ماگيسترالدى قۇبىر تارتىلدى. بۇگىندە تۇرعىن الاپ پەن ساياجايدىڭ ىشكى جۇيەسىن جۇرگىزۋ ءۇشىن جوبالاۋ جۇمىسى جۇرگىزىلۋدە. سونىمەن بىرگە، دوستىق، اسار-2, ازات ش/ا ىشكى جۇيەلەرىنىڭ قۇرىلىسى اياقتالىپ وتىر.
بيىل اۋدانداعى 15 ەلدى مەكەندە 54,4 شاقىرىمدى قۇرايتىن 38 كوشەگە ورتاشا جوندەۋ جۇمىستارى اتقارىلسا، 34,7 شاقىرىمدى 37 كوشەگە جوندەۋ جۇمىستارى جۇرگىزىلۋدە.
ەفير بارىسىندا اۋدان اكىمى تۇرعىندار جولداعان 50-گە جۋىق سۇراققا جاۋاپ بەردى. سۇراقتاردىڭ دەنى ينفراقۇرىلىم توڭىرەگىندە بولدى.
شىمكەنت قالاسى اكىمدىگىنىڭ ءباسپاسوز قىزمەتى
