30 جىلدىق مەرەيتويعا وراي 5 وندىرىستىك جوبا ىسكە قوسىلادى

1425
Adyrna.kz Telegram

شىمكەنت قالاسىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى ب.دۇيسەبەكوۆ @akimat_shymkent ينستاگرام پاراقشاسىنداعى تىكەلەي ەفيردە اتقارىلعان جۇمىستار بويىنشا ەسەپ بەردى.

باسقارما باسشىسى نەگىزگى جۇمىس باعىتتارى – ونەركاسىپتى دامىتۋ جانە جاڭا جۇمىس ورىندارىن اشۋ، ينۆەستيتسيالار تارتۋ جانە بيزنەستى مەملەكەتتىك قولداۋ بويىنشا جۇمىستاردىڭ بارىسىنا توقتالىپ ءوتتى.
تىكەلەي ەفير بارىسىندا تۇرعىندار تاراپىنان قايتارىمسىز گرانتتار بەرۋ، مەملەكەتتىك قولداۋ شارالارى باعىتىندا، جالپى 40-قا جۋىق ساۋالدار قويىلدى. ب.دۇيسەبەكوۆ بارلىق ساۋالدارعا جاۋاپ بەرىپ، الداعى جوسپارلاردان حاباردار ەتتى.

قالادا 2021 جىلدىڭ 1 قازانداعى جاعداي بويىنشا ونەركاسىپ سالاسىندا 718 كاسىپورىن بەلسەندى جۇمىس ىستەۋدە: 26 ءىرى جانە 44 ورتا كاسىپورىندار. وندا 32,3 مىڭنان استام ادام جۇمىسپەن قامتىلعان.

ونەركاسىپ ءونىمىنىڭ كولەمى 2021 جىلدىڭ قاڭتار-قىركۇيەك ايلارىندا 632,5 ملرد تەڭگەنى قۇراپ، 2020 جىلدىڭ ءتيىستى كەزەڭىمەن سالىستىرعاندا 108,9 ملرد تەڭگەگە ارتتى. جىل سوڭىنا دەيىن بۇل كورسەتكىش 710,0 ملرد تەڭگەگە جەتەدى دەپ بولجانۋدا.

وڭدەۋ ونەركاسىبىندە جيھاز ءوندىرۋ (124,6 %), حيميا ونەركاسىبى (131,9 %), ماشينا جاساۋ (159,8 %), دايىن مەتالل بۇيىمدارىن ءوندىرۋ (127,0 %), نەگىزگى فارماتسەۆتيكالىق ونىمدەر (102,5 %), سۋسىندار ءوندىرۋ (111,0 %), مۇناي وڭدەۋ ونىمدەرى (106,8%) سالالارىندا ءونىم كولەمى ارتقان.

2021 جىلدىڭ قاڭتار-قازان ايلارىنىڭ قورىتىندىسى بويىنشا قالا ەكونوميكاسىنا 325,2 ملرد تەڭگە ينۆەستيتسيا تارتىلىپ، وتكەن جىلدىڭ ءتيىستى كەزەڭىمەن سالىستىرعاندا 41,2 %-عا ارتتى. 2021 جىلى جالپى قۇنى 152,6 ملرد تەڭگە 63 ينۆەستيتسيالىق جوبانى (2,5 مىڭ جاڭا جۇمىس ورنى) ىسكە اسىرۋ جوسپارلانعان. بۇگىندە 63 ملرد تەڭگەگە 33 جوبا جۇزەگە اسىرىلدى.
جالپى كاسىپكەرلىكتى قولداۋ كارتاسى اياسىندا 2021 جىلى قالا اۋماعىندا 14 ملرد تەڭگەگە 8 جوبا ىسكە قوسىلىپ، وندا 450-دەن استام جۇمىس ورنى قۇرىلدى. قر تاۋەلسىزدىگىنىڭ 30 جىلدىق مەرەيتويى قارساڭىندا 1,3 ملرد تەڭگەگە تاعى 5 جوبا (115 جاڭا جۇمىس ورنى) ىسكە قوسىلادى.

سونىمەن قاتار، بيىل «بيزنەستىڭ جول كارتاسى-2025» مەملەكەتتىك باعدارلاماسى شەڭبەرىندە 7 804,4 ملن تەڭگەگە 1 946 جوباعا قولداۋ كورسەتىلدى. «مەن كاسىپكەر بولامىن» ايەلدەر مەن جاستار كاسىپكەرلىگى بويىنشا 10,0 ملن تەڭگەگە دەيىن 1%-دىق شاعىن نەسيەلەر بەرۋ قاراستىرىلعان. بۇل ماقساتقا جەرگىلىكتى بيۋدجەتتەن 1 060,0 ملن تەڭگە قارجى ءبولىندى.

پىكىرلەر