30 JYLDYQ MEREITOIǦA ORAI 5 ÖNDIRISTIK JOBA ISKE QOSYLADY

Şymkent qalasynyŋ käsıpkerlık jäne industrialdy-innovasiialyq damu basqarmasynyŋ basşysy B.Düisebekov @akimat_shymkent instagram paraqşasyndaǧy tıkelei efirde atqarylǧan jūmystar boiynşa esep berdı. Basqarma basşysy negızgı jūmys baǧyttary – önerkäsıptı damytu jäne jaŋa jūmys oryndaryn aşu, investisiialar tartu jäne biznestı memlekettık qoldau boiynşa jūmystardyŋ barysyna toqtalyp öttı. Tıkelei efir barysynda tūrǧyndar tarapynan qaitarymsyz granttar beru, memlekettık qoldau şaralary baǧytynda, jalpy 40-qa juyq saualdar qoiyldy. B.Düisebekov barlyq saualdarǧa jauap berıp, aldaǧy josparlardan habardar ettı. Qalada 2021 jyldyŋ 1 qazandaǧy jaǧdai boiynşa önerkäsıp salasynda 718 käsıporyn belsendı jūmys ısteude: 26 ırı jäne 44 orta käsıporyndar. Onda 32,3 myŋnan astam adam jūmyspen qamtylǧan. Önerkäsıp önımınıŋ kölemı 2021 jyldyŋ qaŋtar-qyrküiek ailarynda 632,5 mlrd teŋgenı qūrap, 2020 jyldyŋ tiıstı kezeŋımen salystyrǧanda 108,9 mlrd teŋgege artty. Jyl soŋyna deiın būl körsetkış 710,0 mlrd teŋgege jetedı dep boljanuda. Öŋdeu önerkäsıbınde jihaz öndıru (124,6 %), himiia önerkäsıbı (131,9 %), maşina jasau (159,8 %), daiyn metall būiymdaryn öndıru (127,0 %), negızgı farmasevtikalyq önımder (102,5 %), susyndar öndıru (111,0 %), mūnai öŋdeu önımderı (106,8%) salalarynda önım kölemı artqan. 2021 jyldyŋ qaŋtar-qazan ailarynyŋ qorytyndysy boiynşa qala ekonomikasyna 325,2 mlrd teŋge investisiia tartylyp, ötken jyldyŋ tiıstı kezeŋımen salystyrǧanda 41,2 %-ǧa artty. 2021 jyly jalpy qūny 152,6 mlrd teŋge 63 investisiialyq jobany (2,5 myŋ jaŋa jūmys orny) ıske asyru josparlanǧan. Bügınde 63 mlrd teŋgege 33 joba jüzege asyryldy. Jalpy käsıpkerlıktı qoldau kartasy aiasynda 2021 jyly qala aumaǧynda 14 mlrd teŋgege 8 joba ıske qosylyp, onda 450-den astam jūmys orny qūryldy. QR Täuelsızdıgınıŋ 30 jyldyq mereitoiy qarsaŋynda 1,3 mlrd teŋgege taǧy 5 joba (115 jaŋa jūmys orny) ıske qosylady. Sonymen qatar, biyl «Biznestıŋ jol kartasy-2025» memlekettık baǧdarlamasy şeŋberınde 7 804,4 mln teŋgege 1 946 jobaǧa qoldau körsetıldı. «Men käsıpker bolamyn» äielder men jastar käsıpkerlıgı boiynşa 10,0 mln teŋgege deiın 1%-dyq şaǧyn nesieler beru qarastyrylǧan. Būl maqsatqa jergılıktı biudjetten 1 060,0 mln teŋge qarjy bölındı.