قر تاۋەلسىزدىگىنىڭ 30 جىلدىعىنا وراي، شىمكەنت قالالىق ىشكى ساياسات ءبولىمى جانە اباي اۋدانى اكىمى اپپاراتىنىڭ ۇيىمداستىرۋىمەن، اعىمداعى جىلدىڭ مامىر-ماۋسىم ايلارىندا وتكەن "مەرەيلى وتباسى-2021" ۇلتتىق بايقاۋىندا جۇلدەلى ورىنعا يە بولعان ۇسەنوۆتەر وتباسىنىڭ شاڭىراعىندا اڭگىمە-سۇحبات ءوتتى.
ءىc-شارا ماقساتى - وتباسى ينستيتۋتىن، ادامگەرشىلىكتى، رۋحانيلىقتى نىعايتۋ، اتا-انالاردىڭ بالا تاربيەلەۋدەگى جاۋاپكەرشىلىگىن ارتتىرۋ، وتباسىلىق قۇندىلىقتاردى، كامەلەتكە تولعان بالالارىنىڭ ەڭبەككە قابىلەتسىز جانە ەگدە جاستاعى اتا-انالارىنا قامقور بولۋىن دارىپتەۋ، وتباسىنىڭ جاعىمدى ءيميدجىن ناسيحاتتاۋ جانە جىل سوڭىنا تاياپ كەلۋىنە سايكەس، جىلدى قورىتىندىلاۋ.
قوناقتا بولعان "وتىرار" تەلەارناسىنىڭ جۇرگىزۋشىلەرى سۇحباتتاسۋ كەزىندە، قالا ورتالىعىندا تۇراتىن جانۇيانىڭ ەرەكشەلىگىنە ءتانتى بولدى. انا مەن كەلىن اۋلادا ورناتىلعان جەر تاندىرعا نان جاۋىپ، ساماۋىرىنعا شاي قايناتقانى تۋرالى ەرەكشە اسەر قالدىرعانىن جەتكىزدى. اڭگىمە-سۇحباتتا ۇلكەن ءۇيدىڭ اناسى: ەنە دە، كەلىن دە ءبىرىن-ءبىرى سىيلاپ، شاڭىراقتىڭ شايقالماۋىن ويلاسا، ەنەسى كەلىنىنە بىلمەگەنىن ۇيرەتىپ، بالالىعىن كەشىرىپ، قىزىنداي كورسە، ءوزىنىڭ كورەگەندىگىن كورسەتەدى،- دەدى.
ءسوز سوڭىندا ۇلتتىق داستۇرىمىزدەن، سانا-سەزىمىمىزدەن، ۇلتىمىزدان اۋىتقىماي، ءوسىپ كەلە جاتقان ۇرپاعىمىزدىڭ بويىنا ۇلتتىق تاربيە ۇرىعىن سەبۋمىز - باستى مىندەت ەكەنى ايتىلىپ، ءمان-ماڭىزى ەرەكشە بولعان جيىننان ەرەكشە اسەرمەن تارقاستى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
