بالالار فولكلورى – تاربيە نەگىزى

391

بۇگىن شىمكەنت قالاسىنداعى ادەت-عۇرىپ جانە سالت-ءداستۇر ورتالىعىندا تاۋەلسىزدىگىمىزدىڭ 30 جىلدىعى قارساڭىندا «بالالار فولكلورى – تاربيە نەگىزى» اتتى ءىس-شارا ءوتتى.

«رۋحاني جاڭعىرۋ» باعدارلاماسىنىڭ «ءداستۇر مەن عۇرىپ» ارنايى جوباسى اياسىندا وتكەن تاربيە ساعاتى وتباسى تاربيەسىندەگى ۇلتتىق قۇندىلىقتىڭ نەگىزگى وزەگى بالانىڭ ساناسىن وياتۋ، بالا – باقشا جانە مەكتەپ وقۋشىلارىنا ۇلتتىق قۇندىلىقتارىمىزدى دارىپتەۋ ماقساتىندا ۇيىمداستىرىلدى.
تانىمدىق كەشكە قالاداعى №58, №50, №83, №15, №38, №135 جالپى ورتا مەكتەپ وقۋشىلارى قاتىستى. ءىس-شارا بارىسىندا بالالار سابيلىك سالت – جىرلارى قۋىرماش، ساناماق، تۇساۋ كەسۋ، ءتاي – ءتاي، تامسىلدەر، ناقىل، وسيەت جانە قاناتتى سوزدەر، ماقال – ماتەل، جۇمباق، جاڭىلىتپاشتار ايتىپ جارىستى. ۇيىمداستىرۋشى، ءداستۇر تانۋشىلار بۇل ويىندار بالالاردىڭ ابستاركتسيالىق ويلاۋ جۇيەسىن بايىتۋ، سونىمەن قوسا ءتۇستى (اق، قارا) جاقسى اجىراتۋدى مەڭگەرتۋ، بوياۋلار ۇندەستىگىن، قۇراقشا قۇراستىرۋ، اعاش كونسترۋكتسيانى تۇسىنە قاراپ قۇراستىرۋ، تالعامىن ەرتە قالىپتاستىرۋدا ماڭىزى زور دەپ ەسەپتەيدى.

ۇلتىمىزدىڭ ۇلتتىق قۇندىلىقتارىن، ءومىر سالتىمىزدى زامانعا ساي ودان ءارى ناسيحاتتاۋ، بايىتۋ، ونى بۇگىنگى جاستاردىڭ ساناسىنا قالىپتاستىرۋ قاجەت. ورتالىق ديرەكتورى م.ا. رايحان ساپارقىزى يگى شارانىڭ ماڭىزدىلىعىنا توقتالىپ، ۇلەس قوسقان مەكتەپتەرگە ارنايى العىس حات پەن سىي-سياپات تابىستادى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket