BALALAR FOLKLORY – TÁRBIE NEGIZI

1896
Adyrna.kz Telegram

Búgin Shymkent qalasyndaǵy Ádet-ǵuryp jáne salt-dástúr ortalyǵynda Táýelsizdigimizdiń 30 jyldyǵy qarsańynda «Balalar folklory – tárbıe negizi» atty is-shara ótti.

«Rýhanı jańǵyrý» baǵdarlamasynyń «Dástúr men ǵuryp» arnaıy jobasy aıasynda ótken tárbıe saǵaty otbasy tárbıesindegi ulttyq qundylyqtyń negizgi ózegi balanyń sanasyn oıatý, bala – baqsha jáne mektep oqýshylaryna ulttyq qundylyqtarymyzdy dáripteý maqsatynda uıymdastyryldy.
Tanymdyq keshke qaladaǵy №58, №50, №83, №15, №38, №135 jalpy orta mektep oqýshylary qatysty. Is-shara barysynda balalar sábılik salt – jyrlary qýyrmash, sanamaq, tusaý kesý, táı – táı, támsilder, naqyl, ósıet jáne qanatty sózder, maqal – mátel, jumbaq, jańylytpashtar aıtyp jarysty. Uıymdastyrýshy, dástúr tanýshylar bul oıyndar balalardyń abstarkııalyq oılaý júıesin baıytý, sonymen qosa tústi (aq, qara) jaqsy ajyratýdy meńgertý, boıaýlar úndestigin, quraqsha qurastyrý, aǵash konstrýkııany túsine qarap qurastyrý, talǵamyn erte qalyptastyrýda mańyzy zor dep esepteıdi.

Ultymyzdyń ulttyq qundylyqtaryn, ómir saltymyzdy zamanǵa saı odan ári nasıhattaý, baıytý, ony búgingi jastardyń sanasyna qalyptastyrý qajet. Ortalyq dırektory m.a. Raıhan Saparqyzy ıgi sharanyń mańyzdylyǵyna toqtalyp, úles qosqan mektepterge arnaıy alǵys hat pen syı-sııapat tabystady.

Pikirler