بۇگىن شىمكەنت قالاسىنىڭ «كورمە» ورتالىعىندا «شىمكەنت ونىمدەرى» كورمەسى باستالدى. تاۋەلسىزدىكتىڭ 30 جىلدىعىنا وراي ۇيىمداستىرىلىپ وتىرعان بۇل كورمە 17-19 قاراشا كۇندەرى ارالىعىندا وتەدى. ءىس-شارا - جەرگىلىكتى تاۋار وندىرۋشىلەرىن قولداۋ، ولاردى حالىققا كەڭىنەن تانىستىرۋ جانە تاۋارلاردىڭ وتكىزۋ نارىعىن كەڭەيتۋ مۇمكىندىكتەرىن قاراستىرۋدى ماقسات تۇتادى.
كورمە ەكسپوزيتسياسى قۇرىلىس يندۋسترياسى، ماشينا جاساۋ، مۇناي-حيميا، جەڭىل ونەركاسىپ، تاماق ءوندىرىسى، تەكستيل ونەركاسىبى، فارماتسەۆتيكا، اۋىل شارۋاشىلىعى ونىمدەرىن وڭدەۋ، تاعى باسقا سالالار بويىنشا 100-گە جۋىق كاسىپورىندار ونىمدەرىمەن ۇسىنىلدى.
كورمەنىڭ اشىلۋ راسىمىنە شىمكەنت قالاسىنىڭ اكىمى مۇرات ايتەنوۆ قاتىسىپ، جەرگىلىكتى كاسىپورىندار شىعاراتىن ءونىم تۇرلەرىمەن تانىستى، كاسىپكەرلەرگە ساتتىلىك تىلەدى.
ەكونوميكانى ءارتاراپتاندىرۋ، وندىرىلەتىن تاۋارلاردىڭ تۇرلەرىن كوبەيتىپ، ەكسپورت گەوگرافياسى كەڭەيتۋ جۇمىستارىنىڭ ناتيجەسىندە شىمكەنت ءىرى وندىرىستىك ورتالىق رەتىندە قالىپتاسقانىن اتاپ ءوتتى.
«مەملەكەت باسشىسى قازاقستان حالقىنا ارناعان جولداۋىندا 2025 جىلعا قاراي وڭدەۋ ونەركاسىبىنىڭ ەكسپورتىن 1,5 ەسەگە كوبەيتىپ، 24 ميلليارد دوللارعا جەتكىزۋ، ەڭبەك ونىمدىلىگىن 30 پايىزعا ارتتىرۋ جونىندە تاپسىرما بەردى. قالامىزدىڭ ونەركاسىپ كولەمى جىل سوڭىنا دەيىن 711 ملرد. تەڭگەدەن اسادى. وزىمىزدە وندىرىلگەن ءونىمنىڭ 87 پايىزىن وڭدەۋ ونەركاسىبى قۇرايدى. 87 مىڭنان استام شاعىن جانە ورتا كاسىپكەرلىك سۋبەكتىلەرىنىڭ جالپى وڭىرلىك ونىمدەگى ۇلەسى 41,6 پايىزعا جەتتى.
ەندىگى مىندەت – تاۋارلارىمىزدىڭ تانىمالدىلىعىن ارتتىرۋ. ونىمدەرىمىزدىڭ وتكىزۋ نارىعىن قالىپتاستىرۋ. شىمكەنتتە شىعارىلعان ءونىم دەپ ارقاشان ماقتانىشپەن ايتىپ جۇرەتىن دارەجەگە جەتۋىمىز قاجەت. تاۋار وندىرۋشىلەرىمىزدىڭ جۇمىستارىنا تابىستار تىلەيمىن!»،-دەدى قالا اكىمى.
شىمكەنت قالاسى وتاندىق نارىقتا جەكەلەگەن ونىمدەردىڭ نەگىزگى جەتكىزۋشىسى بولىپ تابىلادى. تسەمەنت ءوندىرىسى، موتور مايلارى، كىلەم، اياق كيىم، تۇرمىستىق بۇيىمدار ونىمدەرى، فارماتسەۆتيكا، ازىق-تۇلىك ءوندىرىسى جونىنەن ىشكى نارىق پەن وتاندىق ەكسپورتتىق الەۋەتتى ارتتىرۋدا. جەڭىل ونەركاسىپ سالاسىنداعى كاسىپورىندار وتاندىق نارىقتىڭ 21 پايىزىن قامتۋدا.
قالا ەكونوميكاسىن ءارتاراپتاندىرۋ، اۋىلشارۋاشىلىق ونىمدەرىن تەرەڭ وڭدەۋ كاسىپورىندارىنىڭ ۇلەسىن ارتتىرۋ، شاعىن جانە ورتا كاسىپكەرلىكتى دامىتۋ بويىنشا كەشەندى جۇمىستار قولعا الىنىپ، ناتيجەسىن بەرۋدە.
شىمكەنتتىك ونىمدەر كورمەسى سانيتارلىق تالاپتار ساقتالا وتىرىپ وتكىزىلدى. وعان قاتىسۋشىلار "Ashyq" جۇيەسى ارقىلى تىركەلىپ، مارتەبەسى ايقىندالدى.
شىمكەنت قالاسى اكىمدىگىنىڭ ءباسپاسوز قىزمەتى
